13:45 17 դեկտեմբերի 2017
Ուղիղ եթեր
ՍԱՊԾ

Ուսումնասիրությունները հաստատեցին` Սննդի անվտանգության ծառայությունը օրենք է խախտել

PANORAMA
Հայաստան
Ստանալ կարճ հղումը
209 0 0

Ուսումնասիրությունները հաստատել են` Սննդի անվտանգության պետական ծառայության «Գոգավան» սահմանային հսկիչ կետի նախկին պետ Նարեկ Մանթաշյանը պաշտոնից հեռացվել է օրենքի խախտումներով։

ԵՐԵՎԱՆ, 11 օգոստոսի — Sputnik. Քաղծառայության խորհուրդը պատասխանել է աշխատանքից հեռացված ՍԱՊԾ «Գոգավան» սահմանային հսկիչ կետի նախկին պետ Նարեկ Մանթաշյանի դիմումին` հայտնելով, որ ուսումնասիրություններ են իրականացրել ծառայությունում և պարզել` խախտումներ եղել են։

«Ձեր նկատմամբ սահմանված փորձաշրջանն ավարտվելուց հետո Ձեզ չի շնորհվել զբաղեցրած պաշտոնի համար նախատեսված համապատասխան դասային աստիճան, որով խախտվել է «Քաղաքացիական ծառայության մասին» ՀՀ օրենքի 8-րդ հոդվածի 5-րդ և 4-րդ պարբերության պահանջը»,– ասված է Նարեկ Մանթաշյանի հրապարակած քաղծառայության պատասխան նամակում։

Պետական մարմինը հաստատել է նաև, որ Նարեկ Մանթաշյանին աշխատանքից ազատելով՝ ՍԱՊԾ–ն խախտել է նաև ՀՀ աշխատանքային օրենսդրության պահանջները։

Կատարած ուսումնասիրության արդյունքներն ու բացահայտումները հաշվի առնելով, քաղծառայության խորհուրդը ՍԱՊԾ նախկին աշխատակցին խորհուրդ է տվել դիմել դատարան։

«Իշխան Կարապետյանի այն հայտարարությունները, թե, իբր, իմ ասածներն ապատեղեկատվություն է, հերքվեցին քաղծառայության խորհրդի կողմից և ստացված գրությունն ապացուցեց իմ ասածները»,– Sputnik Արմենիայի հետ զրույցում մեկնաբանելով քաղծառայության խորհրդից ստացված պատասխանը, ասաց Մանթաշյանը։

Նարեկ Մանթաշյանը հրապարակել է նաև ՍԱՊԾ–ում գյուղատնտեսության նախարարության կատարած ուսումնասիրությունների արդյունքները։ Դրանց համաձայն՝ վերոհիշյալ խախտումներն արվել են ծառայության աշխատակազմի անձնակազմի կառավարման բաժնի պետ Արսեն Վարդանյանի ձեռամբ, որը գյուղնախարարությունից խիստ նկատողության է արժանացել։

,  «Գոգավան» սահմանային հսկիչ կետի նախկին պետ Նարեկ Մանթաշյանը հայտարարել էր, որ մայիսի 31-ին ընդունվելով աշխատանքի, հուլիսի 12-ին ազատվել է աշխատանքից ՍԱՊԾ պետի, իր պնդմամբ` ապօրինի հրամանով։

Ի դեպ, ՍԱՊԾ պետը ևս դիմել է դատարան իր նախկին աշխատակցի դեմ` պահանջելով, որ վերջինը ներողություն խնդրի իրեն վիրավորելու համար։

«Վստահաբար ասում եմ, որ այդ դատական հայցում նույնպես ՍԱՊԾ–ն կպարտվի»,– համոզմունք հայտնեց Մանթաշյանը,– «իրենց հայտարարությունից հետո ես իմ ֆեյսբուքյան էջում գրել եմ. մի՞թե կարող է պետական այսպիսի լուրջ կառույցի ղեկավարն այսքան ցածր իրավագիտակցութուն ունենալ։ Իմ այս հայտարարությունը ՍԱՊԾ–ն որակել է որպես վիրավորանք ու դատական ատյանով ներողություն է պահանջում ինձնից»։

Հիշեցնենք, Նարեկ Մանթաշյանը մայիսին հաղթող էր ճանաչվել քաղծառայության հայտարարած մրցույթում և ընդունվել աշխատանքի` 2 ամիս փորձաշրջանով։ Բայց 2 ամիս անց նրան խաբեությամբ համոզել են աշխատանքից ազատվելու դիմում գրել։ Մանթաշյանը գրել է, բայց առանց ամսաթվի, իսկ երբ օրենքով նախատեսված 3 օրվա ընթացքում հետ է պահանջել այն, մերժում է ստացել։

Նարեկ Մանթաշյանն այդ մասին բաց նամակով դիմել է վարչապետին և հայցադիմում է ներկայացրել վարչական դատարան։ Գլխավոր դատախազությունում ևս այդ հարցով քննություն է սկսվել։

Գլխավոր թեմաներ