14:19 23 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
ՀՀ քննչական կոմիտե

Հայաստանցին 14 տարի շահագործման է ենթարկվել վրաստանաբնակ ադրբեջանցիների կողմից

© Photo: official site of the Investigative Committee of RA
Հայաստան
Ստանալ կարճ հղումը
55 0 0

Հայաստանի քաղաքացին թրաֆիքինգի է ենթարկվել Վրաստանի ադրբեջանաբնակ Սողանլուղ գյուղում։ Հարուցվել է քրեական գործ։

ԵՐԵՎԱՆ, 11 օգոստոսի — Sputnik. 14 տարի շարունակ ՀՀ քաղաքացին աշխատանքային շահագործման է ենթարկվել Վրաստանի ադրբեջանական գյուղում։ Այս մասին հայտնում է ՀՀ քննչական կոմիտեն։

ՀՀ քաղաքացին աշխատանք գտնելու ակնկալիքով 2003թ.–ին մեկնել է Վրաստան, որտեղ պատահական ավտոմեքենայի վարորդի խնդրել է աջակցել իրեն՝ աշխատանք գտնելու հարցում:

Վարորդը նրան տեղափոխել է Վրաստանի ադրբեջանաբնակ Սողանլուղ գյուղ։ Այստեղ ադրբեջանցիների ընտանիքը ՀՀ քաղաքացուն շահագործելու նպատակով, օգտագործելով վերջինիս կողմից տեղանքին անծանոթ լինելու հանգամանքը և նրա խոցելի վիճակը, 14 տարի շարունակ` 2003-2017թ. մայիսի 7-ը, նրան առանց վարձատրության աշխատեցրել է, ընդ որում, ոչ միայն իրենց, այլև հարևանների հողատարածքներում։

Քննչական կոմիտեն պարզել է նաև, որ հայաստանցին բնակվել է տան տանիքում, որտեղ գիշերել է ստվարաթղթե արկղերի վրա:

Հարուցվել է քրեական գործ` թրաֆիքինգի հատկանիշներով։ Կատարվում է նախաքննություն։

Գլխավոր թեմաներ