06:29 21 օգոստոսի 2017
Ուղիղ եթեր
Հրդեհ անտառում

Վայոց ձորի անտառում բռնկված հրդեհի վտանգավոր օջախները հաջողվել է մարել

© Sputnik/ Karen Yepremyan
Հայաստան
Ստանալ կարճ հղումը
31 0 0

ՀՀ ԱԻ նախարար Դ. Տոնոյանը մեկնել է դեպքի վայր՝ ուղղաթիռով կրակի օջախների տարածքային զննում իրականացնելու նպատակով:

ԵՐԵՎԱՆ, 12 օգոստոսի — Sputnik. Օգոստոսի 10-ին ՀՀ Վայոց ձորի մարզում՝ Արտավան գյուղի մոտ գտնվող անտառում բռնկված հրդեհի (450-500 հա խոտածածկ և անտառածածկ (80 հա) տարածք) վտանգավոր օջախները հաջողվել է մարել՝ բացառելով հրդեհի հետագա տարածումը. տեղում աշխատող փրկարարները շարունակում են կրակի առավել մանր օջախների մարման աշխատանքները: Այս մասին տեղեկացնում են ՀՀ ԱԻՆ մամուլի ծառայությունից:

ՀՀ ԱԻ նախարար Դ. Տոնոյանը մեկնել է դեպքի վայր՝ ուղղաթիռով կրակի օջախների տարածքային զննում իրականացնելու նպատակով:

Հրդեհաշիջման աշխատանքներում ներգրավված է 5 մարտական հաշվարկ, 92 հրշեջ-փրկարար, ԶՈՒ 165 զինծառայող և ոստիկանության ներքին զորքերի 150 ծառայող և 73 աշխատակից:

Հիշեցնենք, որ օգոստոսի 10-ին, ժամը 18:50-ին ՀՀ ԱԻՆ ճգնաժամային կառավարման ազգային կենտրոնում անձը չպարզված քաղաքացուց ահազանգ է ստացվել, որ ՀՀ Վայոց ձորի մարզում՝ Արտավան գյուղում, այրվում է խոտածածկ տարածք: Դեպքի վայր է մեկնել մեկ մարտական հաշվարկ:

Տեղում պարզվել է, որ Մ-2 ավտոճանապարհի Վայք-Սարավան հատվածի 10-րդ կմ-ից դեպի Արտավան գյուղն ընկած տարածքում այրվում է խոտածածկույթ։

Ժամը 20:00-ին հրդեհի վայրից օգնություն են պահանջել: Դեպքի վայր է մեկնել 2 օպերատիվ խումբ՝ 7 հրշեջ-փրկարարով, և 3 մարտական հաշվարկ:

Հրդեհահշիջման աշխատանքները շարունակվել են օգոստոսի 11-ի ողջ օրվա ընթացքում: Ժամը 23:00-ի դրությամբ վատ տեսանելիության և տեղանքի դժվարանցանելիության պատճառով ակտիվ աշխատանքները ժամանակավորապես դադարեցվել էին, բայց շարունակվել է իրականացվել հերթապահություն:

Օգոստոսի 12-ի ժամը 06:59-ի դրությամբ հրդեհաշիջման աշխատանքները վերսկսվել էին:

 

Գլխավոր թեմաներ