ԵՐԵՎԱՆ, 18 օգոստոսի — Sputnik. Google որոնողական համակարգում արդեն կարելի է ձայնային որոնումներ կատարել նաև հայերեն լեզվով: Ընկերությունը 30 նոր լեզու է ավելացրել Google Voice Search ձայնային որոնման ծրագրում։ Ավելացված լեզուների թվում է նաև հայերենը։
«Ձայնային նմուշներ հավաքելու համար Google-ն աշխատել է լեզվի կրողների հետ։ Որոնողական համակարգն այժմ ունակ է մշակել ավելացված լեզուներով հարցումները»,- նշվում է Google-ի պաշտոնական բլոգում։
Google-ը նշել է նաև, որ այս լեզուները շուտով հասանելի կլինեն ավելի բարդ ծրագրերում, ինչպես ասենք Translate ծրագիրն է։
