ԵՐԵՎԱՆ, 1 սեպտեմբերի — Sputnik. ՅՈՒՆԻՍԵՖ-ի բարի կամքի դեսպան, Հայաստանի հավաքականի և ՄՅՈւ-ի կիսապաշտպան Հենրիխ Մխիթարյանը ուղերձ է հղել` գիտելիքի օրվա կապակցությամբ։ Ուսումնական տարվա կապակցությամբ հեռարձակված ՅՈՒՆԻՍԵՖ-ի տեսահոլովակում Մխիթարյանը կոչ է անում հասարակությանը հաշմանդամություն ունեցող երեխաներին հավասար պայմաններով ընդունել կրթական հաստատություններում:
Տեսահոլովակում Մխիթարյանի՝ հունիսին կայացած հանդիպումն է մի խումբ երեխաների հետ, որոնք նրան պատմում են իրենց կրթության, երազանքների և խնդիրների մասին:
«Յուրաքանչյուր երեխա, անկախ իր կարողություններից, որակյալ կրթություն ստանալու իրավունք ունի»,- նշել է Մխիթարյանը։
Մխիթարյանի խոսքով` երեխայի կարողություններով և ոչ թե անկարողությամբ է որոշվում, թե ինչ ձեռքբերումներ կարող է նա կյանքում ունենալ:
