05:01 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Սուրեն Զոհրաբյան

Կյանքից հեռացել է հայկական բժշկության լեգենդը

© Sputnik / Aram Nersesyan
Հայաստան
Ստանալ կարճ հղումը
225620

Այսօր մահացել է բժշկական աշխարհում լեգենդ դարձած Սուրեն Զոհրաբյանը: Նա Հայաստանում նյարդավիրաբուժության հիմնադիրներից մեկն էր:

ԵՐԵՎԱՆ, 10 սեպտեմբերի — Sputnik. Սեպտեմբերի 10-ին 97 տարեկանում կյանքից հեռացել է Հայաստանում նյարդավիրաբուժության հիմնադիր Սուրեն Զոհրաբյանը:

Նա նյարդավիրաբուժական ծառայության հիմքերը դրել է ոչ միայն Հայաստանում: Զոհրաբյանի ջանքերի շնորհիվ նյարդավիրաբուժության կլինիկաներ են բացվել Իրաքում (1960 թվական), ինչպես նաև Լուսակայի (Զամբիա, 1971 թվական) բժշկական համալսարանում:

75 տարվա բժշկական գործունեության ընթացքում Զոհրաբյանը շուրջ 300 գիտական աշխատություն և մենագրություն է գրել:

Հայտնի բժիշկն ասում էր ՝ կյանքում ամենից շատ պետք է սիրել աշխատանքը:

«Երբեք չի կարելի թևաթափ լինել, տարիքին նայելիս չի կարելի ասել՝ «ես մեծ եմ» և դադարել աշխատել: Քանի դեռ մտածելու, տրամաբանելու և քննարկելու կարողություն ունես, արա դա: Օրինակ՝ իմ աշխատանքն ինձնից ֆիզիկական ջանքեր չի պահանջում, ստիպված չեմ վազել: Ես մտավոր աշխատանք եմ կատարում: Հոգևոր աշխատանքն ավելի օգտակար է»,- ավելի վաղ Sputnik Արմենիային տված հարցազրույցում ասել էր բժիշկը:

Նա վստահեցնում էր՝ որքան ավելի շատ ես ուղեղդ օգտագործում, այդքան ավելի երկար է այն աշխատում:

«Ինչու է մարդկանց մոտ ծեր հասակում առաջանում Ալցհեյմեր հիվանդությունը: Ստիպեք ձեր ուղեղին աշխատել, որքան ավելի շատ խնդիրներ եք դուք լուծում և գլուխ ջարդում դժվար հարցերի լուծումը գտնելու համար, այդքան այն ավելի հարուստ է»,- նշել էր բժիշկը:

Նա համաձայն չէր ժողովրդի այն տեսակետի հետ, թե մարդն իբր շատ է աշխատել, այդ պատճառով էլ շուտ ծերացել է:

«Ոչ, դա այդպես չէ: Աշխատանքը կարևոր է զուտ աշխատանքի տեսանկյունից, իսկ մտավոր աշխատանքը հոգևոր հարստությունն է: Չէ՞ որ մարդկային հոգին շատ բարդ բան է», — ասել էր բժիշկը:

Սուրեն Զոհրաբյանի հոգեհանգիստը կկայանա սեպտեմբերի 11-ին, ժամը 18։00-ին Երևանի Կոնդի Սուրբ Հովհաննես եկեղեցում, իսկ հուղարկավորությունը՝ Երևանի Մխիթար Հերացու անվան պետական բժշկական համալսարանից, սեպտեմբերի 12-ի ժամը 14։00-ին։

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ Հայաստանի գերի ընկած քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    341
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    166
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    237