Քամիլ Շամուն
![Камиль Шамун Камиль Шамун - Sputnik Արմենիա](https://cdn.am.sputniknews.ru/img/859/71/8597154_0:0:1400:2041_600x0_80_0_0_21f51287e5d2e6eb1bb46b174075c2b3.jpg)
Քամիլ Շամունը 6 տարի ղեկավարել է Լիբանանը (1952-1958թթ.):
Շամունը ծնվել է 1900 թվականի ապրիլի 3–ին, Դել էլ Քամար քաղաքում հայ–մարոնիթական ընտանիքում։
1934 թվականին առաջին անգամ Շամունն ընտրվել է Լիբանանի խորհրդարանի պատգամավոր, պայքարել Լիբանանի անկախության համար։ Հետո հայտնվել է բանտում. զանգվածային ցույցերի շնորհիվ նոյեմբերի 22–ին բոլոր ձերբակալվածներն ազատ են արձակվել, այդ օրը Լիբանանում նշվում է որպես անկախության օր։
Մինչև 1951 թվականը Քամիլ Շամունը զբաղեցրել է Մեծ Բրիտանիայում Լիբանանի դեսպանի պաշտոնը, իսկ 1952 թվականին ընտրվել է Լիբանանի նախագահ։ Քրիստոնյա նախագահի առկայությունը ձեռնտու չէր Լիբանանի իսլամիստներին։ Նրանք 1958 թվականին Շամունին պաշտոնանկ անելու փորձ են արել։ Դիվանագիտական բանակցությունների շնորհիվ հարցը խաղաղ լուծում է ունեցել, և Շամունը լքել է պաշտոնն առաջին պաշտոնավարման ժամկետի ավարտից հետո։
Ամին Ալ–Հաֆեզ
![Амин Аль-Хафез (первый справа) Амин Аль-Хафез (первый справа) - Sputnik Արմենիա](https://cdn.am.sputniknews.ru/img/860/56/8605658_0:0:2000:1333_600x0_80_0_0_d466bf07362caaf1fd31bfd5b9adc176.jpg)
Ամին Ալ–Հաֆեզը եղել է Սիրայի նախագահը (1963-1966 թթ.) ։ Նա ծնվել է 1921 թվականին, Հալեպում։ Լինելով քրիստոնյա և տանելով համապատասխան քաղաքականություն` նա արժանացել է սիրիական ազգայնամոլների ատելությանը։ Ուստի, 1966 թվականին Ամին Ալ–Հաֆեզը ստիպված է եղել լքել երկիրը։ Ալավիտների` իշխանության գալուց հետո նա կարողացել է վերադառնալ Սիրիա։
Կառլոս Մենեմ
![Бывший Президент Аргентины Карлос Менем Бывший Президент Аргентины Карлос Менем - Sputnik Արմենիա](https://cdn.am.sputniknews.ru/img/860/58/8605808_0:0:1000:723_600x0_80_0_0_cf53beb808e05b1b6e33fd0c01bd0a9b.jpg)
1989–1999 թթ. Արգենտինայի նախագահի պաշտոնը զբաղեցրել է ազգությամբ հայ Կառլոս Մենեմը։ Ապագա նախագահը ծնվել է 1930 թվականին հայոց ցեղասպանությունը վերապրած ընտանիքում։ Նրանք Սիրիայից գաղթել են Արգենտինա։ Մենեմի հայրը քրիստոնյա էր, մայրը` ալավիտ։ Նա դաստիարակվել է մահմեդական ավանդույթներով, բայց մկրտվել է կաթոլիկ եկեղեցում։
Մենեմն ակտիվ քաղաքականություն է մտել 1958 թվականին։ Իսկ 1989 թվականին ընտրվել է Արգենտինայի նախագահ։
Կառլոս Մենեմն Արգենտինայի միակ նախագահն է, որ պաշտոնավարել է երկու անգամ անընդմեջ։ Տնտեսության մեջ հաջողություններ արձանագրելու համար Կառլոս Մենեմին անվանել են «հրաշագործ»։
Էլիաս Սարգիս
![Ильяс Саркис Ильяс Саркис - Sputnik Արմենիա](https://cdn.am.sputniknews.ru/img/860/59/8605958_0:0:2000:1354_600x0_80_0_0_028749b3e74dfa22bd8027b0593ae818.jpg)
Էլիաս Սարգիսը եղել է Լիբանանի նախագահը և պաշտոնավարել 6 տարի(1976-1982 թթ.): Էլիասի հայրը զտարյուն հայ էր, մայրը` ղպտի քրիստոնյա։ Էլիաս Սարկիսը Լիբանանի նախագահ է դարձել երկրի քաղաքացիական պատերազմի ամենաթեժ պահին։
Սարգիսը սերտ կապեր է ունեցել Դաշնակցության անդամների հետ, եղել հայտնի դաշնակցական գործիչ Հակոբ Բագրատունու ընկերը:
Ի դեպ, մինչ նախագահելը նա եղել է Բեյրութի քաղաքապետը։
Էմիլ Ջամիլ Լահուդ
![11-й президент Ливана Эмииль Джамиль Лахуд (слева) 11-й президент Ливана Эмииль Джамиль Лахуд (слева) - Sputnik Արմենիա](https://cdn.am.sputniknews.ru/img/860/60/8606023_0:0:2000:1531_600x0_80_0_0_e1efbd1218f46c29ac12f4f56db932b6.jpg)
Էմիլ Ջամիլ Լահուդը Լիբանանը ղեկավարել է 1998 թվականից մինչև 2007 թվականը։ Նա ծնվել է Բահաբդաթ լիբանանյան քաղաքում, հայ–մարոնիթական ընտանիքում։ Հայրը լիբանանյան գեներալ էր, մայրը` Ադրինե Բաջակյանը հայ է եղել։ Էմիլի դաստիարակության հարցում մեծ դեր է խաղացել պապը` Մինասը։ Ու չնայած հայրը մարոնիթ էր, Լահուդը դաստիարակվել է հայկական սովորույթներով։
Էմիլը ստացել է ռազմածովային կրթություն, հետագայում դարձել է Լիբանանի ռազմական ուժերի գլխավոր հրամանատար։ 1998 թվականին 62–ամյա Լահուդն ընտրվել է Լիբանանի նախագահ։
Լիբանանի քաղաքացիական պատերազմի տարիներին Լահուդն ակտիվորեն օժանդակել է հայկական համայնքին։ Հենց նա է կազմակերպել մահմեդական գրոհներից հայկական բնակչության պաշտպանությունը։ Գեներալի ջանքերի շնորհիվ, 1997 թվականին Լիբանանի Ազգային ժողովն ընդունել է բանաձև ապրիլի 24–ը Հայոց ցեղասպանության հիշատակի օր սահմանելու մասին։