10:03 20 նոյեմբերի 2017
Ուղիղ եթեր
Суд над участниками группировки Сасна Црер

«Սասնա ծռերի» փաստաբանների գործադուլը տապալեց նիստը

© Sputnik/ Nelli Danielyan
Հայաստան
Ստանալ կարճ հղումը
50 0 0

«Սասնա ծռերի» փաստաբանները գործադուլ են հայտարարել։ Դատարանը հետաձգեց նիստը։

ԵՐԵՎԱՆ, 13 սեպտեմբերի — Sputnik. «Սասնա ծռեր» խմբի նկատմամբ դատական հերթական նիստն այսօր մեկնարկեց առանց փաստաբանների և ամբաստանյալների։ Դատավոր Արտուշ Գաբրիելյանը, դահլիճ մտնելով, հայտարարեց, որ փաստաբանները դատարան չեն եկել, իսկ ամբաստանյալները դեռ ճանապարհին են, ուստի նիստը հետաձգվում է 20 րոպեով՝ մինչ նրանց ժամանումը։

Ընդմիջումից հետո դատարան բերվեցին 14 ամբաստանյալից 8-ը։ 20 պաշտպանից դատարանում ներկա էին 3 հանրային պաշտպան։ Շարունակելով ընդհատված նիստը՝դատավոր Գաբրիելյանը հայտարարեց, որ դատարանը փաստաբան Երվանդ Վարոսյանից դիմում է ստացել, որում նա հայտնում է, որ 182 փաստաբան սեպտեմբերի 13-ին գործադուլ է հայտարարել՝ ընդդեմ «փաստաբաններին զննելու և խուզարկելու ապօրինի պրակտիկայի ձևավորման»։

Դատավորը թեև հայտարարեց, որ չի ընդունում գործադուլ անելու գործելաոճը, բայց ստիպված եղավ հետաձգել նիստը՝ փաստաբանների բացակայության հիմքով։

Ի դեպ, փաստաբան Հայկ Ալումյանը ներկայացել էր դատարան, բայց նրա մուտքն արգելել էին, քանի որ հրաժարվել էր բացել պայուսակը՝ դատական կարգադրիչների զննության համար։

Ալումյանը Sputnik Արմենիայի հետ զրույցում նշեց, որ դեմ է խուզարկություններին, բայց չի կիսում գործընկերների պայքարի տարբերակը, ուստի և չի միացել գործադուլին։

Գլխավոր թեմաներ