09:47 20 նոյեմբերի 2017
Ուղիղ եթեր
Երևանի քաղաքապետարանը

Տրանսպորտի թանկացման պնդումն անլուրջ խոսակցություն է. քաղաքապետարանը հերքում է լուրը

© Sputnik/ Asatur Yesayants
Հայաստան
Ստանալ կարճ հղումը
3410

Երևանի քաղաքապետարանը հորդորում է զերծ մնալ անհիմն հայտարարություններից ու մամուլով անլուրջ խոսակցություններ տարածելու գայթակղությունից:

ԵՐԵՎԱՆ, 13 սեպտեմբերի — Sputnik. Երևանի քաղաքապետարանն անդրադարձել է այսօր «Ժողովուրդ» օրաթերթում տպագրված հրապարակմանը` տեղեկացնելով, որ տվյալ հրապարակման մեջ տեղ գտած հայտարարությունները չեն համապատասխանում իրականությանը և հասարակական տրանսպորտի թանկացման մասին պնդումներն էլ ուղղակի անլուրջ խոսակցություններ են։

«Հերթական անգամ տեղեկացնում ենք, որ ներկայումս Երևանի քաղաքապետարանը շարունակում է ակտիվորեն աշխատել հասարակական տրանսպորտի բարեփոխումների ուղղությամբ, որն ամբողջապես հանրային գործընթաց է, և մեր հանրությունը հնարավորություն ունի անգամ ուղիղ հեռարձակմամբ հետևելու մասնագիտական խմբի աշխատանքներին»,- նշված է քաղաքապետարանի տարածած հաղորդագրության մեջ։

Քաղաքապետարանը հորդորում է աշխատանքային խմբի անդամներին զերծ մնալ անհիմն հայտարարություններ կատարելուց և մամուլով անլուրջ խոսակցություններ տարածելու գայթակղությունից` դրա փոխարեն փորձելով գործընթացին օգտակար լինել` նիստերի ընթացքում բովանդակային և կառուցողական առաջարկներով հանդես գալով։

Երևան քաղաքի հասարակական տրանսպորտի համակարգի բարեփոխումների մասնագիտական աշխատանքային խումբը ներկայիս կազմով ձևավորվել է տարեսկզբին՝ Երևանի քաղաքապետ Տարոն Մարգարյանի որոշմամբ։

Այժմ ընթանում են տրանսպորտային նոր երթուղային ցանցի առաջարկի մշակման աշխատանքները, և արդեն իսկ սահմանվել են տրանսպորտային նոր համակարգի պահանջները՝ ներառյալ միասնական կառավարման, ինտեգրված սակագնի և տոմսային համակարգի, ավտոպարկի և քաղաքացիների սպասարկման բարձր չափորոշիչները։

Աշխատանքային խմբի առջև պահանջ է դրված ապահովել արդար և հասանելի սակագնի սահմանում՝ ցանցի օպտիմալացման, ինչպես նաև կառավարման նոր մեխանիզմների ներդրման միջոցով։ Աշխատանքային խմբի առաջիկա նիստը տեղի կունենա ս.թ. սեպտեմբերի 14-ին։

Գլխավոր թեմաներ