23:44 18 նոյեմբերի 2017
Ուղիղ եթեր
Ալեքսանդր Ցինկեր

Ցինկեր. «Հայաստանի և Իսրայելի մերձեցումն անհանգստացնում է Բաքվին»

© Sputnik/ Asatur Yesayants
Հայաստան
Ստանալ կարճ հղումը
134 0 0

Հայ-իսրայելական հարաբերությունների խորացումն անհանգստություն է առաջացրել Բաքվում։

ԵՐԵՎԱՆ, 15 սեպտեմբերի — Sputnik. Հայ-իսրայելական գործակցությունը լուրջ մտահոգություն է առաջացրել Ադրբեջանում, Sputnik Արմենիա մամուլի կենտրոնում տեղի ունեցած տեսակապի ժամանակ ասել է «Հայաստան-Իսրայել» հասարակական ֆորումի համանախագահ, Քնեսեթի նախկին պատգամավոր Ալեքսանդր Ցինկերը։

«Երկկողմ հարաբերությունների ակտիվացումից հետո Ադրբեջանական մամուլում մի շարք հրապարակումներ են հայտնվել այն մասին, որ հայ-իսրայելական գործակցությունը դատապարտված է ձախողման»,- ասաց Ցինկերը։

Ֆորումի հայ և իսրայելացի համանախագահները համոզված են, որ անկախ Բաքվի ջանքերից, հայ-իսրայելական հարաբերությունները կշարունակեն զարգանալ։ Դրա վառ վկայությունն է «Հայաստան-Իսրայել» հասարակական ֆորումի անդամների և Քնեսեթի փոխխոսնակ Տալի Պլոսկովի ղեկավարած բարեկամության միջխորհրդարանական խմբի Երևան կատարած այցը։

«Իսրայելի պատվիրակության այցի հաջողությունն անկասկած է, մեր ժողովուրդների միջև համագործակցության կարևորագույն ուղղությունների վերաբերյալ կարծիքների արդյունավետ փոխանակում եղավ»,- ասաց «Հայաստան-Իսրայել» հասարակական ֆորումի համանախագահ, քաղաքական գիտությունների դոկտոր, գեներալ-լեյտենանտ Հայկ Քոթանջյանը։

Նրա խոսքով` երկկողմ հարաբերությունների զարգացման հարցում դրական դինամիկա էր արձանագրվել Երևանում տեղի ունեցած իսրայելական պատվիրակության բոլոր հանդիպումների ընթացքում ԱԺ նախագահ Արա Բաբլոյանի, Հայաստանի ԱԳՆ ղեկավար Էդվարդ Նալբանդյանի և բարեկամության միջխորհրդարանական խմբի համանախագահ Գագիկ Մինասյանի հետ զրուցելիս։

Քննարկվել են գործակցության առանցքային ոլորտներին վերաբերող հարցեր. տեղեկատվական և հաղորդակցման տեխնոլոգիաների բնագավառ, բժշկություն, առողջապահություն, փորձի փոխանակում, տուրիզմ և այլն։

Մոտ ապագայում Գյումրին և Պետախ Տիկվան քույր-քաղաքներ կդառնան։ Իսկ 2018 թվականին Իսրայելում «Հայաստանի մշակույթի օրեր» կանցկացվեն։.

Ֆորումի ներկայացուցիչների հերթական նիստը տեղի կունենա Իսրայելում՝ 2018 թվականի գարնանը։

Գլխավոր թեմաներ