ԵՐԵՎԱՆ, 18 սեպտեմբերի — Sputik. Ադրբեջանի ԶՈւ-ին բնորոշ է «Իսլամական պետություն» ահաբեկչական խմբավորման ձեռագիրը։ Այս մասին սեպտեմբերի 18-ին՝ Հայաստան-Սփյուռք 6-րդ համաժողովի ժամանակ ասաց ՀՀ արտգործնախարար Էդվարդ Նալբանդյանը։
«Դա ադրբեջանական զինված ուժերի դեմքն է, որոնց բնորոշ է ԻՊ ահաբեկչական խմբավորման ձեռագիրը։ Ադրբեջանական բարբարոսությունները, ինչպես պատերազմի առաջին տարիներին, այնպես էլ ապրիլին, կասկած չեն թողնում, որ Լեռնային Ղարաբաղի Հանրապետության ժողովրդի՝ անկախության համար պայքարն արդարացի է եղել թե անցյալում, թե հիմա»,- ընդգծեց Էդվարդ Նալբանդյանը։
Նա հիշեցրեց, որ 2016թ-ի ապրիլին ադրբեջանցի զինվորական հանցագործները սպանել և խոշտանգել էին տարեց մարդկանց, դպրոցի բակում սպանել երեխայի, իսկ տեսախցիկների առաջ էլ գլխատել հայ զինծառայողների։
