14:38 04 հունիսի 2020
Ուղիղ եթեր
  • USD482.38
  • GBP607.22
  • EUR540.89
  • RUB7.05
Հայաստան
Ստանալ կարճ հղումը
1907 0 0

Հայ կանայք միշտ առանձնացել են էկզոտիկ գեղեցկությամբ, արտահայտիչ աչքերով ու գեղեցիկ մարմնով։ Սակայն ժամանակակից աղջիկները, ցանկանալով ավելի գեղեցիկ երևալ, սկսել են ավելի հաճախ դիմել պլաստիկ վիրաբուժության։ Այս հարցում առաջին տեղում, իհարկե, շոուբիզնեսի ներկայացուցիչներն են։

ԵՐԵՎԱՆ, 25 սեպտեմբերի — Sputnik. Պլաստիկ վիրահատությունը ոչ քմահաճույք է, ոչ էլ տուրք նորաձևությանը, այլ կատարյալ արտաքին ունենալու, բնածին թերություններից ձերբազատվելու ցանկություն։ Sputnik Արմենիան ներկայացնում ութ հայտնի հայուհիների, ովքեր  շտկել են իրենց արտաքինը։

Լիլիթ Հովհաննիսյան

Հայտնի հայ երգչուհին իր հարցազրույցներում շատ անգամ հերքել է, որ շտկել է արտաքինը։ Նա վստահեցնում է, որ քթի փոխված ձևը տեսողական խաբկանք է և հետևանք է այն բանի, որ նախկինում ակնոց էր կրում, իսկ հիմա` հազվադեպ։

Լրատվամիջոցները, սակայն, հակառակը` վստահեցնում են, որ երգչուհին  ռեկորդակիր է կատարված  պլաստիկ վիրահատությունների քանակով, ու Superstar նախագծից հետո նրա արտաքինը էականորեն փոխվել է։

Էմմի

Էմմին երբեք չի թաքցրել, որ վիրահատել է քիթը, այն էլ` երկու անգամ։ Իսկ, ահա, շուրթերի վիրահատության մասին նա լռում է։ Ուշադիր հանրությունն ու լրատվամիջոցները, սակայն, նկատել են, որ վերջին շրջանում նկատելի փոխվել են նաև երգչուհու շուրթերը։ Էմմին, ամենայն հավանականությամբ, երրորդ վիրահատության է գնացել` շուրթերին ավելի փարթամ տեսք տալու համար։

Եվա Ռիվաս

«Եվրատեսիլ–2010» մրցույթի հայ մասնակցի շուրթերը վերջին տարիների ընթացքում մեծացել են։ Սակայն երգչուհին շարունակում է հերքել վիրահատության վարկածը` հայտարարելով, որ իր դեմքի հետ ոչինչ չի արել։ Նրա արտաքինի փոփոխություններն ակնհայտ են դառնում նախկին  ու նոր լուսանկարները համեմատելիս։

Սոֆի Մխեյան

Երգչուհի Սոֆի Մխեյանը մի քանի տարի առաջ վիրաբույժի օգնությանն է դիմել՝ ավելի նուրբ քիթ ունենալու համար։ Այս թեմայի շուրջ երգչուհին այնքան էլ հաճույքով չի խոսում։ Բայց արդյունքն ակնհայտ է։

Արփի Գաբրիելյան

Photo by @koloyanrobert make up by @agamakeupartist 🖤

Публикация от Arpi Gabrielyan (@arpigabriela) Июл 24 2017 в 11:02 PDT

 

Full House հայկական հեռուստասերիալից հայտնի դերասանուհի Արփի Գաբրիելյանը շատ գեղեցիկ էր նաև մինչ վիրահատությունը։ Սակայն վերջերս դերասանուհին որոշել է շտկել շուրթերն ու փոքրացնել քիթը։

Անահիտ Սիմոնյան

❤️

Публикация от Аня Симонян (@anahitsimonyan) Июл 8 2017 в 1:14 PDT

Երգիչ Հայկոյի կին Անահիտ Սիմոնյանն ամուսնությունից հետո ակնհայտ կերպարանափոխել է։ Գեղեցկանալու պատճառն, իհարկե, կարող է երջանիկ ամուսնական կյանքը լինել, բայց այս դեպքում վիրահատությունն էլ է դեր խաղացել։ Անահիտ Սիմոնյանի քթի ու շուրթերի ձևը ակնհայտ փոխվել են։

Նազենի Հովհաննիսյան

Հաղորդավարուհի ու դերասանուհի Նազենի Հովհաննիսյանն իր արտաքնով շատերին է հիացնում։ Դժվար է ասել՝ քանի անգամ է նա պլաստիկ վիրաբույժի դիմել, բայց այտոսկրերը, քթի ու շուրթերի ձևը զգալիորեն փոխվել են՝ համեմատած մի քանի տարի առաջ արված լուսանկարների հետ։

Իվետա Մուկուչյան

Իվետա Մուկուչյանը հայկական էստրադայի ամենատաղանդավոր երգչուհիներից ու ամենանախանձելի հարսնացուներից է։ «Եվրատեսիլ – 2016» մրցույթի մասնակիցն այսօր սրտեր է գրավում ոչ միայն ձայնով, այլ շլացուցիչ արտաքինով։

Բայց երգչուհու ստեղծագործական ուղուն հետևողները կնկատեն, որ աղջիկն աշխատել է ոչ միայն ձայնի, այլև արտաքնի վրա։

Ամփոփելով՝ կարելի է նշել, որ ամեն կին պետք է սիրի իրեն այնպիսին, ինչպիսին կա իրականում, այդ ժամանակ շրջապատողներն էլ կսիրեն նրան հենց այդպիսին։ Միաժամանակ, փոքր թերությունները շտկելն ամոթալի չէ։

Գլխավոր թեմաներ