03:20 22 փետրվարի 2018
Ուղիղ եթեր
Դրամ

Կոռուպցիայի դեմ պայքարը լավ է, բայց նոր գործողություններ են պետք. վարչապետը հանձնարարեց

© Sputnik/ Aram Nersesyan
Հայաստան
Ստանալ կարճ հղումը
34 0 0

Վարչապետ Կարեն Կարապետյանը կառավարության նիստը սկսեց հանձնարարականով, որը վերաբերում է կոռուպցիայի դեմ պայքարի մեխանիզմներին:

ԵՐԵՎԱՆ, 5 հոկտեմբերի — Sputnik. Վերջին մեկ տարվա ընթացքում օրենսդրական ու գործնական փոփոխություններ են կատարվել հակակոռուպցիոն պայքարում: Այս մասին կառավարության նիստում հիշեցրեց վարչապետ Կարեն Կարապետյանը:

Նա նշեց, որ Հայաստանում 2018 թվականին կոռուպցիայի դեմ պայքարի շրջանակում իրականացված գործողությունները գնահատելու են մի շարք կազմակերպություններ:

«Գնահատվելու են տնտեսական համագործակցության և զարգացման կազմակերպության հակակոռուպցիոն գործողությունների և ՄԱԿ-ի կոռուպցիայի դեմ կոնվենցիայի շրջանակում կատարված աշխատանքները: Հանձնարարում եմ ամփոփել և ինձ ներկայացնել առաջարկություն` համապատասխան պետական մարմինների կողմից կատարման ենթակա գործողությունների ապահովման վերաբերյալ»,- ասաց վարչապետը:

Կառավարության աշխատակազմի ղեկավարին էլ հանձնարարեց արդարադատության նախարարի ներկայացրած տեղեկատվության հիման վրա նախապատրաստել հանձնարարականի նախագիծ` բոլոր շահագրգիռ մարմիններին հստակ ժամկետներում իրենց իրավասության ներքո գտնվող գործողությունների վերաբերյալ:

Գլխավոր թեմաներ