22:25 18 փետրվարի 2018
Ուղիղ եթեր
Դայնյուս Պուրաս

Առողջապահության ոլորտում Հայաստանն ԱՄՆ–ին սովորեցնելու բան ունի. ՄԱԿ–ի զեկուցող

© Sputnik/ Asatur Yesayants
Հայաստան
Ստանալ կարճ հղումը
43 0 0

Հայաստանին այլևս սովորեցնել պետք չէ, թե ինչպես ռացիոնալ կերպով օգտագործել առողջապահական ռեսուրսները։ Երևանն ինքը կարող է ներկայացնել իր փորձը և նույնիսկ գերազանցել ԱՄՆ–ի նման երկրներին։

ԵՐԵՎԱՆ, 5 հոկտեմբերի — Sputnik. Հայաստանի առողջապահության ոլորտում մի շարք չլուծված հարցեր կան, սակայն ինչ վերաբերում է ռեսուրսների ռացիոնալ օգտագործմանը, ապա իր փորձով նա կարող է մրցել այնպիսի առաջատար երկրների հետ, ինչպես ԱՄՆ–ն է, ասել է ՄԱԿ–ի հատուկ զեկուցողը Դայնյուս Պուրասը։

«Հայաստանն ապացուցել է, որ կատարելագործել առողջապահության ոլորտը կարելի է նաև ոչ բավարար ֆինանսավորման պայմաններում։ Եկել է ժամանակը, որ ձեր երկիրը ներկայացնի իր փորձը, այլ ոչ թե խորհուրդներ ստանա։ Երևանը կարող է ցույց տալ, այդ թվում նաև ԱՄՆ–ի նման հարուստ երկրներին, թե ինչպես ռացիոնալ կերպով օգտագործել ռեսուրսներն առողջապահական համակարգում», – Sputnik Արմենիայի թղթակցի հետ զրույցում ասաց Պուրասը։

Նրա խոսքով`  անկախ մի շարք խնդիրներից, ակնհայտ է  այն առաջընթացը, որը նշմարվում է առանձին վերցված ուղղություններում։ Հայաստանը համալրել է մորից երեխային փոխանցվող ՄԻԱՎ–ի հայտնաբերման և կանխարգելման աշխարհի չորս երկրների ցանկը։ Բավական բարելավել է նաև ՄԻԱՎ–ով և տուբերկուլյոզով հիվանդների հետ կապված իրավիճակը։

«Հայաստանը պետք է բարելավի նաև պալիատիվ բուժման հետ կապված իրավիճակը։ Եթե այսօր անհրաժեշտ դեղորայք է ստանում քաղցկեղի վերջնական աստիճանով հիվանդ 50 մարդկանցից մեկը, ապա այդ իրավունը պետք է ունենան բոլորը», – ասել է Պուրասը։

Կառավարությունը պետք է անհրաժեշտ բժշկական սպասարկում ապահովի ամբողջ հանրապետությունում, որպեսզի մարդիկ Երևան չգան` հույս ունենալով, որ այստեղ նրանց կարող են բուժել։ ՄԱԿ–ի հատուկ զեկուցողը կարծում է, որ Հայաստանում նաև բավական զարգացած է հոգեբուժությունը։

«Երևանում և Սպիտակում գործում են ծրագրեր, որոնք նախատեսված են մարդկանց փոքր քանակների համար, սակայն դրանք պիլոտային են և կանոնավոր բնույթ չեն կրում», – ասել է հատուկ զեկուցողը։

Նրա խոսքով` բուժհաստատությունները համալրված չեն հաշմանդամություն ունեցող մարդկանց ընդունելու համար համապատասխան տեխնիկայով։

Սա Պուրասի առաջին այցն է Հայաստան։ Սեպտեմբերի 25-29 նա ծանոթացել է առողջապահության համակարգին, ոչ վարակիչ հիվանդությունների կանխարգելման միջոցառումներին, հոգեբուժական օգնության կազմակերպմանը։ Պուրասն եղել է Երևանում, Դիլիջանում, Աբովյանում, Սպիտակում և Վանաձորում։ ՄԱԿ–ի հատուկ զեկուցողն իր ամփոփիչ զեկույցը 2018 թվականի հունիսին կներկայացնի մարդու իրավունքների խորհրդին։

Գլխավոր թեմաներ