04:19 24 հոկտեմբերի 2017
Ուղիղ եթեր
Գրքի տոնավաճառ. արխիվային լուսանկար

Ադրբեջանցիները հարձակվել են հայկական տաղավարի վրա

© AFP 2015/ DANIEL ROLAND
Հայաստան
Ստանալ կարճ հղումը
39110

Ֆրանկֆուրտի գրքի տոնավաճառում ադրբեջանցիները հարձակվել են հայկական տաղավարի վրա և փորձել են խլել Արցախի դրոշով քարտեզները։ Այս մասին հայտնում է «Զանգակ» հրատարակչության թարգմանական և միջազգային ծրագրերի համակարգող Արթուր Մեսրոպյանը

ԵՐԵՎԱՆ, 12 հոկտեմբերի — Sputnik. Ֆրանկֆուրտի գրքի տոնավաճառում մոտ մեկ ժամ առաջ ադրբեջանցիները իրենց տաղավարից հարձակվել են մեր տաղավարի վրա՝ փորձելով խլել Արցախի դրոշով քարտեզները, ֆեյսբուքյան իր էջում գրել է «Զանգակ» հրատարակչության թարգմանական և միջազգային ծրագրերի համակարգող Արթուր Մեսրոպյանը ։

«Սկսվել է քաշքշուք, միջամտել է անվտանգությունը։ Մեր տաղավարում շատ քիչ մարդ է եղել այդ պահին, որովհետև շատերս, այդ թվում` մենք, գնացել էինք հանդիպումների, սակայն ովքեր, որ եղել են, թույլ չեն տվել քարտեզները վերցնել»,- գրել է Մեսրոպյանը:

Նա հիշեցրել է, որ Ֆրանկֆուրտում անցկացվող միջոցառումն ապաքաղաքական, զուտ գրքային տոնավաճառ է։

«Բայց անգամ դա չի խանգարում մեր հարևաններին ցույց տալ, որ իրենք ոչ խաղաղ են, ոչ բարեկամ ու անգամ ոչ էլ հարևան ու ոչ էլ առանձնապես ցանկություն ունեն խաղաղ թվալու»,- գրել է Մեսրոպյանը։

Նա նշել է, որ նման միջադեպեր գրեթե ամեն տարի են գրանցվում։

Գլխավոր թեմաներ