04:23 24 հոկտեմբերի 2017
Ուղիղ եթեր
աջիկստանի նախագահ Էմոմալի Ռահմոնն ընդունեց ԱՊՀ անդամ պետությունների պաշտպանության նախարարներին

Ալիևի հետքերով. ինչպես Հասանովը Զաքարյանին տեղ տվեց ադրբեջանական դրոշի մոտ

© Sputnik/ Arpi Beglaryan
Հայաստան
Ստանալ կարճ հղումը
Ռուբեն Գյուլմիսարյան
151 0 0

Ադրբեջանի պաշտպանության նախարար Զաքիր Հասանովն իր երկրի դրոշի մոտ տեղը զիջեց Հայաստանի ՊՆ ներկայացուցիչ Արտակ Զաքարյանին: Այս հերթական լուսանկարչական միջադեպը չվրիպեց ԶԼՄ-ների ուշադրությունից, որոնք նախօրեին հետևում էին Ադրբեջանի նախագահ Իլհամ Ալիևի նույնօրինակ վարքագծին. նա էլ իր հերթին հեռու կանգնեց Հայաստանի նախագահ Սերժ Սարգսյանից:

Չորեքշաբթի Դուշանբեում Տաջիկստանի նախագահ Էմոմալի Ռահմոնն ընդունեց ԱՊՀ անդամ պետությունների պաշտպանության նախարարներին, որոնք մեկնել էին մասնակցելու ԱՊՀ անդամ պետությունների պաշտպանության նախարարների խորհրդի հերթական նիստին։

Ինչպես ընդունված է նման դեպքերում, հանդիպման մասնակիցները շարվեցին իրենց երկրների դրոշների դիմաց` միասնական նկարի համար: Հետաքրքիր փաստը չխուսափեց ԶԼՄ-ների ուշադրությունից: Ադրբեջանի պաշտպանության նախարար Զաքիր Հասանովը հնարավորին չափ հեռու կանգնեց իր հայ գործընկերոջ տեղակալից` Արտակ Զաքարյանից:

Մենք պարոն նախարար Հասանովին գիտենք որպես անթերի դաստիարակության տեր անձի, որը որևէ մեկի նկատմամբ նման ցուցադրական հակակրանքի դրսևորում թույլ չի տա, այն էլ հրապարակավ: Հետևաբար, խնդիրը ոչ Արտակ Զաքարյանի անձն է, ոչ էլ ՀՀ պաշտպանության նախարարությունը:

Մենք ճանաչում ենք պաշտպանության նախարար Հասանովին` որպես հայրենիքին նվիրված հայրենասերի, մի մարդ, որն ամբողջ կյանքում ծառայել է Ադրբեջանին: Որպես իսկական սպա և հայրենասեր` պարոն Հասանովը պարզապես չէր կարող թույլ տալ, որ իր երկրի դրոշի միայն վերին մասը երևար լուսանկարում, այդ պատճառով էլ նա դեպի աջ քաշվեց: Իհարկե, նախարարը չէր կարող ձախ քաշվել, որովհետև այնտեղ Զաքարյանն էր կանգնած:

Եվ միասնական լուսանկարում ամեն ինչ ստացվեց այնպես, ինչպես պետք է լիներ. բոլոր մասնակիցները հոյակապ տեսք ունեն, իսկ Ադրբեջանի պետական խորհրդանիշն առանձնանում է մյուսներից, որովհետև լուսանկարում արտացոլվել է ամբողջ հասակով։

Գլխավոր թեմաներ