03:14 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
Ինֆորմացիոն տեխնոլոգիաներ

Հայաստանը համաշխարհային կիբեռպատերազմում պաշտպանվողի դերում է

© Sputnik / Наталья Селиверстова
Հայաստան
Ստանալ կարճ հղումը
7610

Հայաստանը համաշխարհային կիբեռպատերազմին պատրաստվում է, բայց ոչ թե հարձակվողի, այլ պաշտպանվողի դիրքից։ Նման կարծիք Sputnik Արմենիայի հետ զրույցում հայտնել են «Կասպերսկի լաբորատորիաներ» ընկերության տեղացի և արտասահմանցի մասնագետները։

ԵՐԵՎԱՆ, 13 հոկտեմբերի — Sputnik, Նելլի Դանիելյան. Հայաստանը համաշխարհային կիբեռպատերազմում պաշտպանվողի դերում է։ Կարծում է Հայաստանում և Վրաստանում «Կասպերսկի լաբորատորիաներ» ընկերության ներկայացուցիչ Արմեն Կարապետյանը։

«Կիբեռաշխարհում այսօր այնքան էլ լավ բաներ չեն կատարվում, և փորձագիտական գնահատականներով`իրավիճակը գնալով ավելի է վատանալու»,– ասում է Կարապետյանը` հավելելով, որ այսօր աշխարհում պարբերաբար տեղ գտնող կիբեռհարձակումներն աստիճանաբար ավելի նմանվում են կիբեռպատերազմի, իսկ կիրառվող միջոցները`«կիբեռզենքերի»։

«Այսինքն` աշխարհն արդեն կիբեռպատերազմի նախաշեմին է»,– նշում է մեր զրուցակիցը։

Հարցին, թե որքանով է Հայաստանը պատրաստ դիմակայելու համաշխարհային «կիբեռպատերազմին», Կարապետյանն ասում է. «Հայաստանում կիրառվող լուծումները միտված են պաշտպանական համակարգերին, այսինքն` մենք միայն պաշտպանվում ենք և չենք խրախուսում հարձակումը»։

Բայց նույնիսկ պաշտպանության ոլորտում մեր երկրի կիբեռանվտանգության մակարդակը, մասնագետի համոզմամբ, այնքան էլ բարձր չէ, անելիքներ շատ կան։

Лаборатория Касперского в Ереване. Армен Карапетян
© Sputnik / Asatur Yesayants
Արմեն Կարապետյան

«Կրիտիկական օբյեկտներ կան, որոնց վրա կայուն հարձակումները կարող են ուղղակի ահռելի վնասներ հասցնել»,– ասում է Կարապետյանն ու նշում, որ հատկապես նման կենտրոնների պաշտպանության համար «Կասպերսկի լաբորատորիաներ» ընկերության մասնագետները ՀՀ կառավարության հետ աշխատում են մեկ ընդհանուր համակարգող կենտրոն ստեղծելու ուղղությամբ, որի հիմնական գործառույթն է լինելու հատկապես ռազմավարական կարևոր օբյեկտների կիբեռպաշտպանությունն ու հնարավոր վտանգներին արագ արձագանքումը։

«Կասպերսկի լաբորատորիաներ» ընկերության վաճառքի բաժնի պետ Բուլատ Սիրաևը, ով այս օրերին Հայաստանում է` մասնակցելու «Այսօրվա և վաղվա կիբեռսպառնալիքները» խորագրով «Kaspersky Security Day» գործնական կոնֆերանսին, մեզ հետ զրույցում, գնահատելով Հայաստանի նկատմամբ իրականացվող հարձակումները, նշեց, որ դրանք, որպես կանոն, մեծ հնչեղություն չեն ստանում։ «Օրինակ, եթե ինչ-որ խնդիր է առաջանում որևէ ձեռնարկությունում, դա, որպես կանոն, դուրս չի գալիս այդ ձեռնարկության պատերից։ Ուստի, ես կդժվարանամ որևէ կոնկրետ դեպք նշել»,– ասաց Սիրաևը։

Лаборатория Касперского в Ереване. Булат Сираев
© Sputnik / Asatur Yesayants
Բուլատ Սիրաև

Որպես վերջին ամենամեծ համաշխարհային կիբեռհարձակում մեր զրուցակիցները նշեցին  2017թ–ի մայիսին Wanna Cry վիրուսի տարածումն աշխարհում, որից տուժեցին աշխարհի շուրջ 70 երկրների ինչպես պետական, այնպես էլ մասնավոր ընկերություններ ու անհատ օգտատերեր։ Հայաստանում ևս այն որոշակի վնասներ հասցրեց, բայց ոչ այն չափով, ինչքան Ռուսաստանում կամ Եվրոպայում։

Գլխավոր թեմաներ

  • ՀՀ ԶՈւ զինծառայողներ

    Ադրբեջանական լրատվամիջոցները շարունակում են պնդել, որ Հայաստանի գերի ընկած քաղաքացի Կարեն Ղազարյանը դիվերսանտ է։ Համացանցում հայտնվել են լուսանկարներ, որոնք իբր ապացուցում են այդ փաստը։ Հայաստանի պաշտպանության նախարարությունը բացահայտել է ֆեյքը, իսկ Sputnik Արմենիային հաջողվել է շփվել լուսանկարում պատկերված մարդու հետ։

    310
  • Նիկոլ Փաշինյանը Դոնալդ Տուսկի հետ. Բրյուսել 12 հուլիսի 2018 թ.

    «Թավշյա» հեղափոխության անարյուն լինելը և բռնի ուժի բացակայությունը հիացմունքի արժանացավ թե ՛ Եվրոպայում, թե՛ ԱՄՆ–ում. բայց և այնպես՝ արևմուտքից ոչ ոք չի շտապում Հայաստանը ողողել նյութական օգնությամբ և գործարար ներդրումներով։ Դա պարզ է դարձել Փաշինյանի` Բրյուսել կատարած ուղևորությունից հետո, և դա հաստատել է Հայաստանում ԱՄՆ դեսպան Միլսը։

    158
  • Ռուբեն Հայրապետյան. ՀՖՖ նախագահ

    Մենք այժմ ֆուտբոլում ականատես ենք լինում բրոունյան շարժման։ Խառնաշփոթ ակումբներում, հակասություններ ֆեդերացիայի նախագահ Ռուբեն Հայրապետյանի վարքում. կանխատեսում են, որ նրա տեղը կզբաղեցնի Ազգային անվտանգության ծառայության տնօրենը, նա համաձայնում է, բայց ասում՝ կարող է պաշտոնը զիջել Յուրի Ջորկաեֆին։ Փորձենք հասկանալ։

    219