21:31 16 հուլիսի 2019
Ուղիղ եթեր
  • USD476.74
  • GBP593.49
  • EUR535.47
  • RUB7.60
Հայկական ԱԷԿ

ԵՄ-ն նոր «ցուրտ ու մութ» տարիներ է խոստանում Հայաստանին. փորձագետներ

© Ованнес Ихтиарян
Հայաստան
Ստանալ կարճ հղումը
58720

ՀՀ- ԵՄ համապարփակ և ընդլայնված գործընկերության համաձայնագրի նախագծի հրապարակումից հետո Հայաստանում դարձյալ կրքերը թեժացել են: Բանն այն է, որ համաձայնագրի կետերից մեկը վերաբերում է Մեծամորի ատոմակայանի փակմանը: Հայաստանցի փորձագետներն անհանգստացած են. ՙցուրտ ու մութ՚ տարիները կվերադառնան:

ԵՐԵՎԱՆ, 15 հոկտեմբերի — Sputnik. ԵՄ-ն՝ համագործակցության դիմաց Հայաստանից պահանջում է փակել ատոմակայանը: Հայաստանցի փորձագետների դիտարկմամբ՝ այս պահանջի տակ թաքնված է Հայաստանի դիրքերը թուլացնելու միտում: Տնտեսական տեսանկյունից Հայաստանը կհայտնվի նոր էներգետիկ ճգնաժամի առաջ:

Այլ քաղաքական տնտեսական համակարգերին Հայաստանի անդամակցումը ՀՀ պաշտպանության նախկին նախարար Վաղարշակ Հարությունյանի համոզմամբ՝ լի է վտանգներով: «Դա միտված է թուլացնել Հայաստանի անվտանգությունը և դիրքերը տարածաշրջանում»,- Sputnik Արմենիայի հետ զրույցում ասաց Հարությունյանը՝ վստահեցնելով, որ մեր երկրի անվտանգ ապագան ներկա աշխարհաքաղաքական իրավիճակում բացառապես ՀԱՊԿ և ԵԱՏՄ համագործակցության շրջանակներում է:

«Երբ մենք մտանք ԵԱՏՄ, Ռուսաստանն իր վրա վերցրեց ատոմակայանի աշխատանքը 10 տարով երկարաձգելու պարտավորություն,- հիշեցնում է ՀՀ պաշտպանության նախկին նախարար Վաղարշակ Հարությունյանը,- վերադառնամ հետ և ասեմ՝ եղել է ժամանակ՝ 2006թ-ին, երբ վարչապետ Տիգրան Սարգսյանի օրոք հայտարարվեց մրցույթ, որպեսզի գան Հայաստանում ատոմակայան կառուցեն՝ կլինի Ֆրանսիան, ԱՄՆ-ը, կամ մեկ այլ երկիր: Ոչ ոք չեկավ»:

Վաղարշակ Հարությունյանը կարծում է, որ եթե Ռուսաստանն իր վրա չվերցներ Հայաստանի ատոմակայանի աշխատանքի նկատմամբ պատասխանատվությունը, դրա գործարկման ժամանակը 2016թ-ին կավարտվեր, և Հայաստանը ստիպված կլիներ վերապրել իր նորագույն պատմության երկրորդ «ցուրտ ու մութ» տարիները:

Вагаршак Арутюнян
© Sputnik / Asatur Yesayants
Վաղարշակ Հարությունյան

«Եթե չլինի Ռուսաստանը, մենք կկրոցնենք ատոմակայանը»,- կարծում է նախկին նախարարը:

ՀՀ ԱԳՆ պաշտոնական կայքում հրապարակված ՀՀ- ԵՄ համաձայնագրի թարգմանված տարբերակում, ՀԱԷԿ-ին վերաբերող հատվածում ասված է, որ Հայաստանը Մեծամորի ատոմակայանի շահագործումը դադարեցնելով հանդերձ՝ պետք է քայլեր ձեռնարկի դրա արտադրական հզորությունները այլ հզորություններով փոխարինելու ուղղությամբ, որոնց միջոցով հնարավոր կլինի ապահովել Հայաստանի էներգետիկ անվտանգությունը:

Տնտեսագետ Վիլեն Խաչատրյանը կարծում է, որ այլընտրսանքային էներգետիկ աղբյուրներով ատոմակայանի արտադրած էլեկտրաէներգիայի համարժեք հզորությունների հնարավորություն Հայաստանն այսօր չունի:

«Նմանատիպ էներգիայի աղբյուր ոչ միայն Հայաստանի, այլև համաշխարհային տնտեսության մեջ՝ լինի արևային, կինետիկ, քամու էներգիայի ստացման միջոցով, այսօր դեռևս ստեղծելն անհնար է»,- ասում է Վիլեն Խաչատրյանը՝ եզրակացնելով, որ ատոմակայանի փակման պայմանը նպատակ ունի թուլացնել Հայաստանի դիրքերը տարածաշրջանում:

Вилен Хачатрян в гостях у радио Sputnik Армения
© Sputnik / Arpi Beglaryan
Վիլեն Խաչատրյան

Տնտեսագետը չի բացառում նաև, որ դրա հետևանքով մեր երկիրը դարձյալ կհայտնվի էներգետիկ ճգնաժամի ճիրաններում, քանի որ առանց ատոմային էներգիայի ներկայիս ծավալի, Հայաստանի էներգետիկ համակարգում կարող է բացասական հաշվեկշիռ գրանցվել:

Վիլեն Խաչատրյանը նշեց, որ ատոմային նոր էներգաբլոկի կառուցումը գնահատվում է 5 մլրդ դոլար, ինչը Հայաստանի համար այս պահին անհաղթահարելի ծախս է:

Հիշեցնենք, ՀՀ- ԵՄ համապարփակ և ընդլայնված գործընկերության համաձայնագրի ստորագրումը նախանշված է ս.թ. նոյեմբերի 24-ին, Բրյուսելում կայանալիք ԱԳ նախարարների գագաթնաժողովի շրջանակում:

Համաձայնագրի ստորագրումից հետո այն իրավական ուժ կստանա միայն Հայաստանի և ԵՄ անդամ բոլոր երկրների կողմից վավերացվելուց հետո:

 

 

Գլխավոր թեմաներ