02:53 23 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Հայաստան
Ստանալ կարճ հղումը
4910

Sputnik Արմենիայի ամենօրյա եթերում հասարակա-քաղաքական արդիական խնդիրներով հագեցած նորությունների թողարկումներն են, ինչպես նաև` թեմատիկ ծրագրերի լայն շրջանակ:

ԵՐԵՎԱՆ, 17 հոկտեմբերի — Sputnik. Sputnik  Արմենիա տեղեկատվական գործակալությունն ու ռադիոն FM հաճախականությամբ սկսվել է հեռարձակվել նաև Գյումրիում։ Ծրագրերը հասանելի են գյումրեցիներին ռուսերեն և հայերեն լեզուներով 90.1 հաճախականությամբ։ Եթերը ներառում է ամենօրյա նորությունների բլոկ` հասարակա-քաղաքական արդիական խնդիրներով,  ինչպես նաև թեմատիկ ծրագրերի լայն շրջանակ:

«Շատ ուրախ ենք, որ այժմ Sputnik Արմենիայի նորությունները բարձր որակով կարող ենք հասցնել նաև մեր Գյումրիի ունկնդիրներին։ Հուսանք, որ հաջողված փորձ կլինի, և հետագայում Sputnik–ը կկարողանա հեռարձակվել նաև Հայաստանի այլ մարզերում», – ասաց Sputnik Արմենիայի ղեկավար Դմիտրի Պիսարենկոն։

Հաղորդիչի հզորությունը թույլ է տալիս հեռարձակում ապահովել ոչ միայն Գյումրիում, այլև 30 կմ շառավղի վրա գտնվող բնակելի տարածքներներում։ Պոտենցիալ լսարանն ավելի քան 200 000 մարդ է։

Հեռարձակումն իրականացվում է գործընկեր «Տոսպա» ռադիոկայանի հետ համատեղ։

Sputnik ռադիոյի ծրագրերը հասանելի են նաև Sputnik Արմենիա պորտալի ռուսերեն և հայերեն տարբերակներում։

Sputnik Արմենիան գործարկվել է 2015 թվականի հուլիսի 1-ին։ Գործակալությունն ունի տեղեկատվական պորտալի հայերեն և ռուսերեն տարբերակներ, ռադիո և տեխնիկապես հագեցած մուլտիմեդիոն մամուլի կենտրոն։ Liveinternet.ru-ի տվյալով` Sputnik Արմենիա լրատվական պորտալը 2016 թվականի սեպտեմբերի 1-ի դրությամբ ընդգրկվել է առաջատար առցանց ԶԼՄ-ների ցանկում։

Sputnik Արմենիան Sputnik միջազգային լրատվական գործակալության և ռադիոյի մի մասն է կազմում։ Վերջինը մուլտիմեդիոն տեղեկատվական մասնաճյուղեր ունի տասնյակ երկրներում, կայքեր` ավելի քան 30 լեզվով, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն:

Գլխավոր թեմաներ