Թավշյա արևն առաջիկա օրերին կջերմացնի Հայաստանը. եղանակի տեսություն

ԵՐԵՎԱՆ, 21 հոկտեմբերի – Sputnik. Հանրապետության տարածքում հոկտեմբերի 21-25-ը սպասվում է առանց տեղումների եղանակ: Այս մասին նշված է ՀՀ արտակարգ իրավիճակների նախարարության կայքում։

Քամին կլինի հարավարևմտյան՝ 3-8 մ/վ արագության:

«Օդի ջերմաստիճանն էապես չի փոխվի»,- նշված է հաղորդագրության մեջ:

Հոկտեմբերի 21-ին Շիրակում, Կոտայքի լեռներում, Գեղարքունիքում, Արագածոտնի և Վայոց ձորի լեռներում ցերեկային ժամերին սպասվում է 13-18 աստիճան, Լոռիում՝ 18-21, Տավուշում` 17-22, Արագածոտնի նախալեռներում՝ 19-22 աստիճան տաքություն, Արարատում, Արմավիրվում, Վայոց ձորի նախալեռներում օդի ջերմաստիճանը ցերեկային ժամերին կկազմի 20-22 աստիճան տաքություն, Սյունիքի հովիտներում ՝ 20-23, Սյունիքի նախալեռներում՝ 15-20, Արցախում՝ 14-19 աստիճան տաքություն։

Երևան քաղաքում հոկտեմբերի 21-25-ը սպասվում է առանց տեղումների եղանակ: Այսօր` հոկտեմբերի 21-ին, մայրաքաղաքում ցերեկային ժամերին օդ ջերմաստիճանը կկազմի 20-22, գիշերային ժամերին` 6-8 աստիճան տաքություն։