ԵՐԵՎԱՆ, 24 հոկտեմբերի — Sputnik. Հայաստանն ու Ռուսաստանը ավտոմոբիլային հաղորդակցության և ռոումինգի սակագների նվազեցման մասին համաձայնագրեր են ստորագրել։
Փաստաթղթերը ստորագրվել են ՌԴ վարչապետ Դմիտրի Մեդվեդևի հայաստանյան այցի ընթացքում։
ՀՀ արտակարգ իրավիճակների նախարարությունն ու ՌԴ էկոլոգիական, տեխնոլոգիական և ատոմային վերահսկողության դաշնային ծառայությունն էլ Արտադրական անվտանգության կանոնակարգման ոլորտում համագործակցության մասին համաձայնագիր են ստորագրել։
Բացի այդ, ՀՀ Գեղարքունիքի մարզպետարանի և ՌԴ Սարատովի մարզի կառավարության միջև ստորագրվել է մտադրությունների մասին արձանագրություն։
