05:13 03 հունիսի 2020
Ուղիղ եթեր
  • USD482.49
  • GBP606.25
  • EUR539.28
  • RUB7.02
Հայաստան
Ստանալ կարճ հղումը
14 0 0

Եվրասիական միության երկրները մտադիր են այնպիսի կառույց ստեղծել, որը կհետաքննի ավիապատահարները։

ԵՐԵՎԱՆ, 25 հոկտեմբերի — Sputnik. ԵԱՏՄ երկրները ցանկանում են անկախ մարմին ստեղծել, որը կզբաղվի ավիավթարների անկողմնակալ հետաքննությամբ, Երևանում ԵԱՏՄ միջկառավարական նիստի ընթացքում ասաց ՌԴ վարչապետ Դմիտրի Մեդվեդևը։

«Անցյալ նիստի ժամանակ բարձրացվեց ավիապատահարների հետաքննության հարցը, մենք ծրագրում ենք ստեղծել միջազգային անկախ մարմին, որն օբյեկտիվ և անկողմնակալ կհետաքննի նման միջադեպերը՝ հաշվի առնելով ԵԱՏՄ տնտեսությունների սերտ ինտեգրումը»,– ասաց Մեդվեդևը։

Խոսքն այսօր գործող, սակայն լիազորությունների մի մասից զրկված` ԱՊՀ–ի շրջանակներում 1991 թվականին ստեղծված Միջպետական ավիացիոն կոմիտեի նման կառույցի մասին է։

Միջպետական ավիացիոն կոմիտեն հիմնադրվել է քաղավիացիայի և օդային տարածքի ստեղծման մասին միջկառավարական համաձայնագրի հիման վրա, որը կնքել էին 12 նորանկախ պետությունները ընդհանուր ավիացիոն օրենքները, թռիչքի պիտանելիության ստանդարտները, ավիացիոն սարքավորումների և դրա արտադրության միասնական համակարգերի հավաստագրման, միջազգային կարգերի աերոդրոմների և դրանց սարքավորումների, ավիապատահարների անկախ հետաքննության, քաղաքացիական ավիացիայի զարգացմանն ուղղված հարցերի համակարգման, ինչպես նաև օդային երթևեկության կազմակերպման համակարգերի զարգացմանն ուղղված ազգային ծրագրերի ներդաշնակեցումը պահպանելու համար։

Գլխավոր թեմաներ