ԵՐԵՎԱՆ, 2 նոյեմբերի — Sputnik. Նոյեմբերի 2-ին Հայաստանի զգալի մասում անձրևը կդադարի։ Ցերեկային ժամերին տեղումներ են կանխատեսվում միայն Վայոց ձորում, Սյունիքում և Արցախում։ Այս մասին հայտնում է ՀՀ ԱԻՆ Հիդրոմետ ծառայությունը։
Օդի ջերմաստիճանը նոյեմբերի 2-ին կնվազի 2-4 աստիճանով, այնուհետև աստիճանաբար կբարձրանա 2-3 աստիճանով:
Նոյեմբերի 3-5-ը Հայաստանի մնացած տարածքում սպասվում է առանց տեղումների եղանակ:
Երևանում նոյեմբերի 2-5-ը ևս առանց տեղումների եղանակ է կանխատեսվում։
Նոյեմբերի 2-ի և 3-ի ցերեկը սպասվում է 10-12, 4-ին և 5-ին` մինչև 18 աստիճան տաքություն։
Նոյեմբերի 6-ի գիշերը անձրևը դարձյալ կվերադառնա Հայաստան։
