ԵՐԵՎԱՆ, 7 նոյեմբերի — Sputnik. Հայաստանի բնակիչների համար կհեշտացվի բանկերի միջոցով թոշակներ ու նպաստներ ստանալու գործընթացը,այդ թվում` անկանխիկ համակարգով։ Քաղաքացիական օրենսգրքում համապատասխան փոփոխությունների նախագիծը քննարկել են այսօր ՀՀ Ազգային ժողովի առողջապահության և սոցիալական հարցերի մշտական հանձնաժողովում։
Թոշակների ու նպաստների հատուկ հաշիվներ կբացվեն։ Դա հարկավոր է, որպեսզի բանկերը մարդկանցից կրկնակի կամ նոր փաստաթղթեր չպահանջեն։
«Իսկ միանվագ վճարումները հնարավոր կլինի ցանկացած բանկում ստանալ նույնիսկ հաշիվ չբացելով, որպեսզի տնից հեռու գնալու կարիք չլինի», — ասաց նախարար Արտեմ Ասատրյանը։
Նշենք, որ Հայաստանում թոշակի անկանխիկ վճարման ընդհանուր կարգը սահմանվել է դեռ 2011 թվականին։
