21:41 21 նոյեմբերի 2017
Ուղիղ եթեր
Դպրոց

Երեխայի նկատմամբ դասընկերները բռնություն են գործադրել. մայրը դիմում է պատկան մարմիններին

© Sputnik/ Евгений Биятов
Հայաստան
Ստանալ կարճ հղումը
83 0 0

Երեխայի նկատմամբ դպրոցում բռնություն կիրառելուց հետո, նա սկսել է կակազել։

ԵՐԵՎԱՆ, 13 նոյեմբերի — Sputnik. Հունաստանի և Հայաստանի քաղաքացուհի, 47-ամյա Մարինե Սարգսյանը պատրաստվում է դիմել ՀՀ Ոստիկանութան պետ Վլադիմիր Գասպարյանին, Կրթության և գիտության նախարար Լևոն Մկրտչյանին, Երևանի քաղաքապետ Տարոն Մարգարյանին, որպեսզի վերջիններս իրենց հսկողության տակ վերցնեն նոյեմբերի 8-ին Երևանի կենտրոն վարչական շրջանի Ջոն Կիրակոսյանի անվան դպրոցում իր տղայի՝ Հունաստանի քաղաքացի, 7-ամյա Մարիոս–Արտյոմ Սարգսյանի նկատմամբ կատարված անմարդկային վերաբերմունքի բացահայտման գործը:

Այս մասին տեղեկացնում է Shamshyan. com–ը։ Երեխայի մոր խոսքով` նոյեմբերի 8-ին նշված դպրոցի զուգարանում իր որդու դասընկերները՝ Մինասը, Գոռը և Գագիկը, բռնություն են կիրառել։ Նրանք սկոտչով կապել են տղայի ձեռքերը, ապա հարվածներ հասցրել նրան, ինչի հետքերը կա մարմնի և քթի վրա։ Այնուհետև նրանցից մեկը մկրատով կտրել է երեխայի թարթիչները:

«Տղաս առողջական խնդիրներ է ունեցել նախկինում և մեծ դժվարությամբ՝ թե՛ Ռուսաստանում, թե՛ Իսրայելում բուժումների ենք տարել: Որոշ չափով ապաքինվել էր, գրեթե չէր կակազում, սակայն այս դեպքից հետո երեխան նորից խոսելիս սկսել է կակազել»,–պատմել է մայրը:

Մարինե Սարգսյանը վրդովված է նաև դպրոցի տնօրեն Անահիտ Խոսրովյանի և դասվար Վերոնիկա Կարենովնայի անտարբերությունից: Նա մտածում է որդուն այլ դպրոց տեղափոխելու մասին։

Գլխավոր թեմաներ