21:26 21 նոյեմբերի 2017
Ուղիղ եթեր
Հերմինե Նաղդալյան

«Ժամանակ». Նաղդալյանը պետբյուջեի հաշվին մեկ ամսում 2 մլն դրամի խոսել է Չինաստանում սովորող որդու հետ

© Sputnik/ Asatur Yesayants
Հայաստան
Ստանալ կարճ հղումը
64 0 0

«Ժամանակ» թերթն իր այսօրվա համարում անդրադարձել է մամուլում աղմուկ բարձրացրած ԱԺ նախկին փոխնախագահ Հերմինե Նաղդալյանի 2 միլիոն արժողությամբ հեռախոսազանգերին։

ԵՐԵՎԱՆ, 14 նոյեմբերի — Sputnik. «Ժամանակ» թերթը գրում է. «Մամուլն արդեն գրել է, որ ԱԺ նախկին փոխնախագահ Հերմինե Նաղդալյանն այս տարվա մայիսին իր ծառայողական բջջային հեռախոսով 2 մլն դրամի զանգեր է արել, և դա վճարել է պետբյուջեից: Կարելի է կարծել, որ տիկին Նաղդալյանը չափազանց շատ է ծանրաբեռնված եղել ազգային ու պետական գործերով ու հենց այդ նպատակներով է կատարել այդ զանգերը:

Մինչդեռ պարզվում է, որ նա ծառայողական հեռախոսով խոսել է Չինաստանում սովորող որդու հետ, և դրա համար պետք է վճարի պետական բյուջեն: ԱԺ նախագահին, փոխնախագահներին եւ հանձնաժողովի նախագահներին ԱԺ աշխատակազմը տրամադրում է ծառայողական հեռախոսահամարներ եւ սահմանում գումարային լիմիտներ:

ԱԺ փոխնախագահների համար սահմանված է 50 հազար դրամի ամսական լիմիտ, որը Նաղդալյանը գերազանցել է 40 անգամ, և դա մայիսին, երբ նա ԱԺ փոխնախագահ է եղել մինչև մայիսի 17-ը: Հավանաբար, տեղեկանալով, որ այլևս չի ընտրվելու ԱԺ փոխնախագահ՝ Նաղդալյանը որոշել է օգտագործել վերջին հնարավորությունը և որքան հնարավոր է մեծ վնաս հասցնել խորհրդարանին:

Չնայած, եթե ԱԺ ղեկավարությունը մի քիչ հետևողականություն դրսևորի, կարող է պատճառված վնասը գանձել նրա աշխատավարձից»:

Գլխավոր թեմաներ