21:38 21 նոյեմբերի 2017
Ուղիղ եթեր
Ավտովթար Երևանում

Զգուշացիր ավտոմեքենայից. Հայաստանում ՃՏՊ–ների ու մեքենաների թիվն աճում է

© Sputnik/ Aram Nersesyan
Հայաստան
Ստանալ կարճ հղումը
4110

Հայաստանում ճանապարհատրանսպորտային պատահարների թիվը 2017 թվականին 9%–ով աճել է անցած տարվա համեմատ։ Այն ունի մի շարք սուբյեկտիվ ու օբյեկտիվ պատճառներ։

ԵՐԵՎԱՆ,. 15 նոյեմբերի – Sputnik. Ճանապարհատրանսպորտային պատահարների թիվը 2017 թվականին Հայաստանում 2016 թվականի նույն ժամանակահատվածի համեմատ աճել է։ Դա կապված է երկրում մեքենաների թվի աճով` կարծում է «Վարորդի ընկեր» ՀԿ–ի նախագահ Սերգեյ Ղահրամանյանը։

«2017 թվականին ՃՏՊ–ների քանակը 9%–ով ավելացել է 2016 թվականի նույն ժամանակահատվածի համեմատ։ 2017 թվականի հունվարից սեպտեմբեր գրանցվել է 40 հազար ՃՏՊ։ Այդ թվի աճը 18%–ով պայմանավորված է մեքենաների քանակի աճի հետ», – լրագրողների հետ զրույցում ասաց Ղահրամանյանը։

Նրա խոսքով` 2017 թվականի հունվարից մինչ սեպտեմբերի 31–ը ՃՏՊ–ների պատճառով Հայաստանում 278 ՀՀ քաղաքացի է մահացել։ ՃՏՊ–ների հետևանքով մահացածների թիվն ամենամեծն է եղել 2005 թվականին` 407 մարդ, իսկ 2009 թվականին` 371 մարդ։

Ընդհանուր առմամբ` տեսախցիկների շնորհիվ վերջին տարիների ընթացքում ՃՏՊ-ների թիվը կրճատվել է։ Բայց միևնույն ժամանակ, 2016 թվականին մեկ ու կես միլիոն տուգանք է դուրս գրվել։

Նշենք, որ վերջին տարվա ընթացքում Հայաստանում մեկ ամսվա ընթացքում մոտ 3000 մեքենա է ավելացել։ Հիմա Հայաստանում մոտ 500 հազար մարդատար մեքենա կա, որոնց մեծ մասը Երևանում է կենտրոնացած։

Ճանապարհի խցանումները

Ամենաշատը խցանումներից Երևանն է տառապում, հատկապես, քաղաքի կենտրոնը։ Դա իր սուբյեկտիվ ու օբյեկտիվ պատճառներն ունի, կարծում է փաստաբան Նիկոլայ Բաղդասարյանը։

Николай Багдасарян, Сергей Гахраманян, Артем Назарян и Грачья Манукян о статистике ДТП в Армении
© Sputnik/ Aram Nersesyan
Նիկոլայ Բաղդասարյան, Սերգեյ Ղահրամանյան, Արտյոմ Նազարյան, Հրաչյա Մանուկյան

Շատ հաճախ մեքենայի ղեկին կարելի է հանդիպել մարդու, որն այդքան էլ լավ չգիտի ճանապարհատրանսպորտային կանոնները։ Այդպիսի անձիք վթարային իրավիճակներ են ստեղծում։

Ընդ որում` կանայք ավելի հազվադեպ են խախտում ճանապարհատրանսպորտային կանոնները, քան տղամարդիկ։ Ստույգ վիճակագրություն չկա, թե քանի կին վարորդ կա Հայաստանում, սակայն հայտնի է, որ խախտումների ընդհանուր թվից խախտողների միայն 5%–ն են կանայք։

Գլխավոր թեմաներ