ԵՐԵՎԱՆ, 2 դեկտեմբերի — Sputnik. ««Հանուն գիտության զարգացման» նախաձեռնության անդամներն այժմ քննարկում են, թե ինչպես շարունակեն համագործակցությունը իշխանության ներկայացուցիչների հետ: Ինչպես հայտնի է՝ նոյեմբերի 29-ին Սերժ Սարգսյանն արդեն իսկ ստորագրել է «Զինվորական ծառայության և զինծառայողի կարգավիճակի մասին» օրենքի նախագիծը, և դեկտեմբերի 9-ին այն ուժի մեջ կմտնի: Իսկ կրթության և գիտության նախարար Լևոն Մկրտչյանն էլ օրերս հայտարարեց, թե օրենքն արդեն փոփոխման ենթակա չէ:
«Ժողովուրդ» օրաթերթի հետ զրույցում «Հանուն գիտության զարգացման» նախաձեռնության անդամ Սարգիս Բալդարյանն ասաց, թե այս պահի դրությամբ իշխանության ներկայացուցիչների հետ քննարկումները դադարեցնելու որևէ պայմանավորվածություն չկա: «Ուղղակի կան սկզբունքներ, որոնք պետք է հետագա քննարկումների հիմքում ընկած լինեն: Եթե այդ սկզբունքները չպահվեն, մեր նախաձեռնությունը կդադարեցնի քննարկումները»,-նշեց Բալդարյանը»,-գրում է թերթը:
