04:57 12 դեկտեմբերի 2017
Ուղիղ եթեր
Կոնֆետ

«Քաղցր» սկանդալ. ադրբեջանական կոնֆետները «չքվեցին» Երևանից

© Flickr/ Lee Coursey
Հայաստան
Ստանալ կարճ հղումը
90 0 0

Սննդամթերքի անվտանգության պետական ծառայությունն ադրբեջանական մակնշմամբ կոնֆետները փնտրել է ու չի գտել։

ԵՐԵՎԱՆ, 6 դեկտեմբերի — Sputnik. «Առավոտ» թերթն այսօր տեղեկություն էր հրապարակել, որ լրագրողն իր տան հարակից խանութից գնել է կոնֆետ, որի վրա եղել է ադրբեջանական ծագման մասին նշում:

Քանի որ հրապարակման մեջ նշված չէր, թե որ հասցեում գտնվող իրացման կետից է ձեռք բերվել նշված կոնֆետը, Սննդամթերքի անվտանգության պետական ծառայությունը կապ է հաստատել լրագրողի հետ, ճշտել խանութի հասցեն և այցելել Երևանի Մառի 13/3 հասցեում գտնվող անհատ ձեռնարկատեր Սամվել Ղարիբյանի խանութ:

Այնտեղ իրացվել են հիմնականում տեղական արտադրության կոնֆետներ, ադրբեջանական կոնֆետ չի եղել:

Հարակից տարածքի վաճառակետերում նույնպես որևէ նման ապրանքատեսակ չի հայտնաբերվել:

ՍԱՊԾ-ն ընդգծում է, որ պետական սահմանային վերահսկողության շրջանակներում ադրբեջանական սննդամթերք չի ներմուծվում հանրապետություն:

Սննդամթերքի անվտանգության պետական ծառայությունը հորդորում է սպառողներին խախտում հայտնաբերելու դեպքում անմիջապես զանգահարել նախ Ծառայության «Թեժ գծին»՝ 010 20 60 40 հեռախոսահամարով, որպեսզի հնարավոր լինի արագ արձագանքել և ապահովել ահազանգի հասցեականությունը:

Ըստ թեմայի

Երևանում ադրբեջանական կոնֆետ են վաճառում. ՍԱՊԾ–ը խոստանում է ուսումնասիրել

Գլխավոր թեմաներ