10:16 14 դեկտեմբերի 2017
Ուղիղ եթեր
Երկրաշարժ

Գյումրու քաղաքապետի դաժան հիշողությունները.«Այդ պահն իմ աչքից չի հեռանա»

© Sputnik/ Александр Гращенков
Հայաստան
Ստանալ կարճ հղումը
82810

1988 թվականի Սպիտակի երկրաշարժից գրեթե 3 տասնամյակ անց էլ, նրանք, ովքեր ականատեսն են եղել ահեղ արհավիրքի, չեն կարող մոռանալ այն սարսափն ու իրարանցումը, որ կար ցնցումների առաջին րոպեներին:

Արմենուհի Մխոյան, Sputnik.

Գյումրու քաղաքապետ Սամվել Բալասանյանը հիշելով, այն ինչ  կատարվեց տարիներ առաջ,  անկեղծանում է՝ առաջինը վազել է երեխաների հետևից: «Այդ պահին ո՛չ ծնողի, ո՛չ կնոջ, այլ առաջինը երեխաներիս  հետևից վազեցի,  ու շատերի մոտ էր այդպես: Իմ աչքի առաջ 3  շենք հողին հավասարվեց:

Ես հրուշակեղենի արտադրամասի բակում էի  կանգնած, այնքան ուժեղ էր ցնցումը, որ ոտքի վրա չէի  կարող կանգնել:  Իմ դիմաց շենք փլվեց ու փլվելիս սարսափելի ձայն լսվեց»,- պատմում է Սամվել Բալասանյանը` փաստելով` հենց առաջին իսկ պահից է հասկացել, որ երկրաշարժ է: «Շատ ծանր պահ էր, այդ ժամանակ միայն մի բան կարող էիր մտածել՝  երեխաս ու՞ր է, ի՞նչ եղավ: Անկեղծ եմ ասում՝ որևէ մեկի մասին չեմ մտածել, միայն երեխաներիս: Այդ պահն իմ հիշողության մեջ է և իմ աչքից չի հեռանա»,-անկեղծանում է  քաղաքապետը:

Հետո հիշողություններն այլ էին՝  փլատակներ, ամեն քայլափոխին դիակներ ու դագաղներ, անտուն մարդիկ: Տարիներ անց  Սամվել Բալասանյանը հերոս է համարում այն գյումրեցուն, ով  այս սարսափից հետո էլ չլքեց հայրենի քաղաքը, այլ մնաց ու արարեց և շարունակեց շենացնել երբեմնի ուրախ ու մեծ քաղաքը:

Գլխավոր թեմաներ