10:17 14 դեկտեմբերի 2017
Ուղիղ եթեր
Ուսանողներն անկետա են լրացնում

Հայաստանի բնակիչներին թույլ կտան իշխանություններին խնդրագիր ներկայացնել

© Sputnik/ Григорий Сысоев
Հայաստան
Ստանալ կարճ հղումը
6010

Խնդրագրերում հնարավոր կլինի առաջարկություններ ու նույնիսկ բողոքներ գրել։

ԵՐԵՎԱՆ, 7 դեկտեմբերի — Sputnik. Հայաստանի բնակիչներին հնարավորություն կտան հանրապետության իշխանություններին խնդրագրեր ներկայացնել։ Այդ մասին ասված է «Խնդրագրերի մասին» օրենքում, որը կազմվել է 2015 թվականի սահմանադրական փոփոխությունների հիման վրա։

Խորհրդարանում նախագիծը ներկայացնելիս` արդարադատության նախարարի առաջին տեղակալ Արթուր Հովհաննիսյանը հայտնել է, որ պետական կառույցներին հասցեագրված խնդրագրերում (անձնական կամ ընդհանուր) կարելի է իրենց աշխատանքի հետ կապված առաջարկներ անել, կամ հայտնել թերությունների մասին։

«Այսինքն` հիմա մենք ուղիղ կապ կհաստատենք հասարակության ու իշխանական մարմինների միջև», – նշել է փոխնախարարը։

Խնդրագիրը կարելի է ներկայացնել նաև առցանց, որպեսզի մեկ ամսվա ընթացքում այլ մարդիկ էլ կարողանան միանալ դրան։

Իշխանությունները կարող են խնդրագրին պատասխանել մեկ ամսվա ընթացքում։ Հնարավոր է երկու ամսով հետաձգել, առանձին դեպքերում` վեց ամսով, բայց ոչ ավել։

Իշխանությունները կարող են հրաժարվել խնդրագիրը դիտարկել, եթե այնտեղ ներկայացված բողոքները անհիմն են կամ հակասում են առողջ բանականությանը։

Հայաստանի սահմանադրական փոփոխությունները «ուղիղ ժողովրդավարության» նաև այլ մեխանիզմեր են նախատեսել։ Հասարակության պահանջով հիմա կարող է նաև հանրաքվե անցկացվել։ Դրա համար 50 հոգուց կազմված նախաձեռնող խումբը պետք է 200 հազար ստորագրություն հավաքի ու դրանք Կենտրոնական ընտրական հանձնաժողով ներկայացնի։

Գլխավոր թեմաներ