ԵՐԵՎԱՆ, 8 դեկտեմբերի — Sputnik. ՊԵԿ նախկին նախագահ, ֆինանսների նախկին նախարար Գագիկ Խաչատրյանին Սերժ Սարգսյանը ցանկանում է տեսնել ԿԲ նախագահի պաշտոնում:
Այս մասին հայտնում է «Չորրորդ իշխանություն» թերթը` հղում անելով սեփական աղբյուրներին։
«ԿԲ նախագահի պաշտոնում հայտնվելու հավանական տեղեկությունը վկայում է, որ Գագիկ Խաչատրյանը վերադառնում է պետական տիրույթ, որտեղ ԿԲ նախագահի պաշտոնը հակակշռելու է վարչապետի պաշտոնին»,- գրում է թերթը:
Գագիկ Խաչատրյանը պետական պաշտոններում կարիերան սկսել է 1996 թվականից և անդադար տարբեր պաշտոններ է զբաղեցրել մինչև 2016 թվականը: Խաչատրյանը 2016 թվականին ազատվել է ֆինանսների նախարարի պաշտոնից՝ Հովիկ Աբրահամյանի ղեկավարած կառավարության հրաժարականով պայմանավորված։
