ԵՐԵՎԱՆ, 13 դեկտեմբերի — Sputnik. ՀՀ Ազգային ժողովն այսօր՝ դեկտեմբերի 13-ին, երկրորդ ընթերցմամբ և ամբողջությամբ ընդունեց «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքը և կից ներկայացված նախագծերի փաթեթը։
Օրենքին կողմ քվեարկեցին 75, դեմ` 12, ձեռնպահ` 8 պատգամավոր։
Նշենք, որ օրինագիծն իրավական և հոգեբանական աջակցություն է առաջարկում (իսկ անհրաժեշտության դեպքում նաև կացարան) ծեծի կամ ծաղրանքի ենթարկված ընտանիքի անդամներին։ Առաջարկվում են նաև հաշտեցման միջոցներ զոհի և նրան բռնության ենթարկած անձի միջև (ամուսնու և կնոջ, ծնողների և երեխաների)։
