ԵՐԵՎԱՆ, 15 դեկտեմբերի — Sputnik. Հայաստանում մթնոլորտային անդորր է, առաջիկա 5 օրերին ոչ տեղումներ ունենք, ոչ ջերմաստիճանի փոփոխություն։ Այս մասին հայտնել է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը:
Հանրապետության տարածքում դեկտեմբերի 15-19-ը սպասվում է առանց տեղումների եղանակ: Քամին կլինի հարավարևմտյան՝ 3-8 մ/վ արագության:
«Օդի ջերմաստիճանն էապես չի փոխվի»,– նշված է ԱԻՆ–ի կայքում:
Երևանում նույնպես դեկտեմբերի 15-19-ը տեղումներ չեն կանխատեսվում։
Այսօր` դեկտեմբերի 15-ին, մայրաքաղաքում օդի ջերմաստիճանը ցերեկային ժամերին կկազմի 6-8 աստիճան տաքություն, գիշերային ժամերին` 4-6 աստիճան ցուրտ։
