ԵՐԵՎԱՆ, 19 դեկտեմբերի — Sputnik. Արտասահմանցիները կարող են հայ երեխաներ որդեգրել, բայց միայն վերջին հերթին։ Այդ մասին Հայաստանի խորհրդարանում հայտարարեց արդարադատության փոխնախարար Սուրեն Քրմոյանը` ներկայացնելով հանրապետության Ընտանեկան օրենսգրքում փոփոխությունների նախագիծը։
Երբ խնամակալության մարմինները որդեգրման թույլտվություն տան, առաջին երեք ամիսներին ծնողներ կարող են դառնալ միայն Հայաստանի քաղաքացիները, դրանից հետո` արտասահմանցիները։ Բայց նրանց շարքում էլ նախապատվությունը տրվելու ծագումով հայերին։ Այդ կարգը պահպանվում է նաև օրենսգրքի նոր խմբագրությունում։
«Դա շատ ճիշտ է։ Ես դեմ եմ ռասիզմին, բայց այստեղ խոսքը բոլորովին այլ բանի մասին է` իր մշակույթը և լեզուն պահպանելու երեխայի իրավունքի», – ասաց խորհրդարանի փոխխոսնակ Էդուարդ Շարմազանովը։
Բացի այդ, օրենսգրքում ներառվում է երեխայի շահերից բխելու հասկացություն։ Դրանց շարքում են` երեխաների լիարժեք մտավոր և ֆիզիկական զարգացումը, պատշաճ խնամքը և դաստիարակությունը, ընտանիքի հետ բնակվելը և ընտանիք վերադառնալը, ծնողների հետ շփումը։ Վերջապես, նշվում է նաև հարազատ մշակույթի, լեզվի և կրոնի միջավայրում երեխաների ապրելու իրավունքը։
