13:00 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Գոռ Վարդանյան

Հայկական մարտաֆիլմերի հերոսը կնոջը չի ծեծել, գրկելով դահլիճից դուրս է հանել

© Facebook/ Gor Vardanyan
Հայաստան
Ստանալ կարճ հղումը
69104

Օգնել եմ դուրս գա դահլիճից. Երևանի քաղաքապետի խորհրդական Գոռ Վարդանյանը պարզաբանում է այսօրվա միջադեպը։

ԵՐԵՎԱՆ, 13 փետրվարի — Sputnik. Երևանի քաղաքապետ Տարոն Մարգարյանի խորհրդական Գոռ Վարդանյանը, Երևանի ավագանու ընդհատված նիստից հետո, լրագրողների հետ զրույցում պնդել է, որ բռնություն չի կիրառել «Երկիր ծիրանի» խմբակցության անդամ Մարինա Խաչատրյանի նկատմամբ, այլ պարզապես դուրս է հրավիրել նրան դահլիճից, քանի որ վերջինը փորձել է թունավոր նյութեր լցնել ավագանու անդամների ու Երևանի քաղաքապետ Տարոն Մարգարյանի վրա։

«Բռնի ուժ չեմ կիրառել, պարզապես խնդրել եմ և օգնել, որ դուրս գա դահլիճից»,– պատասխանելով լրագրողների հարցերին` ասել է Գոռ Վարդանյանը` ԶԼՄ ներկայացուցիչներին խորհուրդ տալով տեղի ունեցածի համար մեղադրել ոչ թե իրեն, այլ Մարինա Խաչատրյանին։

Երևանի ավագանու «Երկիր Ծիրանի» խմբակցությունն ավագանու նիստի ժամանակ տեղի ունեցածի մասին գրավոր դիմել է ՀՀ գլխավոր դատախազություն, ՀՔԾ, ոստիկանություն և ՄԻՊ Արման Թաթոյանին, հաղորդում է ներկայացրել հանցագործության մասին՝ պահանջելով ներկայացված փաստերի հիման վրա հարուցել քրեական գործ։

Հիշեցնենք` այսօր` փետրվարի 13-ին, Երևանի ավագանու հերթական նիստում «Երկիր Ծիրանի» խմբակցության անդամ Մարինա Խաչատրյանն ի նշան բողոքի գարշահոտ լուծույթով լցված ապակյա տարաներ են բերել դահլիճ։

Նիստի ընթացքում ընդդիմադիր խմբակցության անդամները դիմակներ են հագել, բացել ապակյա տարաները՝ գարշահոտություն տարածելով դահլիճում` հայտարարելով, որ Նուբարաշենի 4 շենքի բնակիչներն ամեն օր նման գարշահոտություն են շնչում, քանի որ ՔԿՀ-ի կոյուղատարը վնասվել է, և քաղաքապետարանն այդ հարցը որևէ կերպ չի լուծում։

ՀՀԿ խմբակցության ավագանու անդամներն ու Գոռ Վարդանյանը հարձակվել են ավագանու անդամներ Մարինա Խաչատրյանի և Սոնա Աղեկյանի վրա` բռնի ուժով դուրս հանելով նրանց դահլիճից։

Գլխավոր թեմաներ