19:44 19 օգոստոսի 2018
Ուղիղ եթեր
  • USD483.14
  • GBP613.68
  • EUR549.86
  • RUB7.16
Երևան

Ո՞ւր փախչել Մոսկվայից. Երևանում հանգստանալու բաղադրատոմս Forbes Woman–ից

© Sputnik / Asatur Yesayants
Հայաստան
Ստանալ կարճ հղումը
34 0 0

Հինգ բան, որոնք կարելի է անել Ռուսաստանի մայրաքաղաքում, բայց ավելի լավ է փորձել Հայաստանում։

ԵՐԵՎԱՆ, 14 փետրվարի — Sputnik. Ինչպես անցկացնել ժամանակը Հայաստանի մայրաքաղաքում։ Այս հարցը տվել է Forbes Woman պարբերականը և հինգ հատկանիշ նշել, որոնք վկայում են, որ դուք ոչ թե Մոսկվայում եք, այլ Երևանում։

Մոռացեք ղեկի մասին և զբոսնեք

Երևանում ոչ մի միանման փողոց կամ շենք չկա։ Կան թե՛ վարդագույն տուֆից նեոկլասիցիզմի շրջանի շինություններ, թե՛ կոնստրուկտիվիզմի ժամանակների շենքեր, թե՛ իսկական ետնախորշեր։ Տների պատուհանների եզրանախշերը նման են Հայաստանի եկեղեցիների նախշերին։

Քաղաքի պատմական մասն ամբողջությամբ նախագծվել է 1920թ–ին խորհրդային ճարտարապետ Ալեքսանդր Թամանյանի կողմից։ Հենց 1920–ականներին Երևանը դարձել է մայրաքաղաք ու սկսել ստանալ իր ժամանակակից տեսքը։

Թամանյանի հուշարձանը տեղադրված է Կասկադի դիմաց` քանդակների պարտեզում, որը այցելության պարտադիր վայրերից է։ Դա դրսից աստիճաններից և շատրվաններից կազմված բազմամակարդակ մոնումենտ է, իսկ ներսից` Գաֆէսճեան արվեստի կենտրոն, որի հավաքածուի մեջ մտնում են Ժոմ Պլենսայի, Լին Չեդվիքի և Տադաշ Սումի աշխատանքները։

Մշակութային հարստացման համար պետք է այցելել հնագույն ձեռագրերի գանձարան` Մատենադարան։ Այստեղ 17 000 ցուցանմուշների շարքում կարելի է գտնել մագաղաթի վրա գրված VII դարի Ավետարանը և 27,5 կգ կշռով ամենամեծ հայկական ձեռագիր մատյանը։

Գնացեք համերգ, ավելի լավ է` ջազային

Այստեղ ջազ լսում և նվագում են 1938թ–ից։ Կոլորիտային ջազ ակումբում կարելի է վայելել Լևոն Մալխասյանի վիրտուոզ նվագը, նա հիրավի համարվում է հայկական ջազի լեգենդը։ Հայաստանում պարբերաբար տեղի են ունենում երաժշտական և այլ մշակութային իրադարձություններ, օրինակ, հայտնի Yerevan Jazz Fest–ը, ինչպես նաև «Ավրորա» մարդասիրական նախաձեռնությունը, որն ամեն տարի տեղի է ունենում Երևանում։

Մեկնել քաղաքից դուրս

Հենց դուրս եք գալիս Երևանից սահմաններից, ձեր առջև բացվում են հիասքանչ լեռնային տեսարաններ և կոլորիտային գյուղեր։

Մոտակա տեսարժան վայրերից է Սևանա լիճը, որը գտնվում է ծովի մակարդակից 1916 մետր բարձրության վրա։ Դա ամբողջ Կովկասի ամենամեծ լեռնային լիճն է, դրա մեջ թափվում է 28 գետ։

Վարկածներից մեկի համաձայն` լիճն անվանումը ստացել է այստեղ գտնվող Սևանավանք հին եկեղեցուց` կառուցված սև տուֆից։ Ազատ գետի հովտում` Երևանից 28 կմ հեռավորության վրա, գտնվում է Գառնու հեթանոսական տաճարը, որը կառուցվել է հելլենիզմի դարաշրջանում և իր վեհասքանչ սյուներով հիշեցնում է հունական ճարտարապետություն։ Այն ավերվել է 1679թ–ի երկրաշարժի հետևանքով և վերականգնվել խորհրդային շրջանում։

Երևանից ոչ հեռու գտնվում է Երևանի կոնյակի գործարանի մասնաճյուղը. այստեղ լեգենդար խմիչքն անցնում է արտադրության բոլոր փուլերը` սկսած խաղողը հավաքելու և տեսակավորելու փուլից։

Լավաշ կերեք և էլի ինչ–որ համեղ բան

Ավանդական հայկական խոհանոցը միայն լավաշը չէ։ Այնուամենայնիվ, արժե փորձել թոնրից հենց նոր հանած լավաշ։ Եվ, անպայման, լավաշի մեջ փաթաթել բանջարեղեն, պանիր և թարմ կանաչի։

Այլ խոհարարական վայելքներից. տարատեսակ պանիրներ (չեչիլ և չանախ), խաշ, որը մեկ օր շարունակ պատրաստում են լեռնային շրջաններում բնակվող հայերը, քյուֆթա և մեր վարսակով շիլայի անալոգը` հարիսա։ Դա ձավարով և հավի մսով շիլա է։ Չմոռանաք համտեսել կոնյակի հիման վրա պատրաստված համեղագույն կոկտեյլներ։

Փորձել ոչ թե շամպայն, այլ կոնյակ

Լիովին գնահատելու համար, թե կոնյակը որքան բարդ և բազմափուլ գործընթաց է անցնում խանութներում սովորական տեսքով հայտնվելուց առաջ, կարելի է այցելել Երևանի կոնյակի գործարան։ Այնտեղ կարելի է իմանալ թորման և կուպաժի բոլոր մանրամասները, և, ամենագլխավորը, համտեսել տարբեր հնեցման սպիրտեր։ Այստեղ, դրանց շարքում կան 1934թ–ի «տարեցներ»։

Հայերը կոնյակ են խմում կակաչանման բաժակներից, փոքր ումպերով և կարող են մի գավաթը խմել ամբողջ երեկո` երկար վայելելով յուրաքանչյուր կաթիլը։ Համն ամենից լավ բացահայտվում է դառը շոկոլադի հետ համադրությամբ, բայց ոչ մի դեպքում ցիտրուսայինների. դրանք կոտրում են համը։

Վարպետները սպիրտը համեմատում են երեխայի հետ. դրան պետք է մանկուց ճիշտ հունի մեջ դնել, մեծացնել` արժանի արդյունք ստանալու համար։

Գլխավոր թեմաներ