ԵՐԵՎԱՆ, 13 մարտի — Sputnik. ՀՀ մարզերի և Երևանի դպրոցների աշակերտները երեքշաբթի մասնակցեցին «Կենդանի դասական» պատանի ասմունքողների միջազգային մրցույթին։
Միջոցառման շրջանակներում ընդհանուր առմամբ 19 մասնակից է հանդես եկել։ Մրցույթն ուղղված է առոգանությամբ արձակ ստեղծագործությունները կարդալու հմտություն ունեցող երեխաներին բացահայտելուն։
«ԳՄՌԿ էին եկել երեխաներ Հայաստանի բոլոր մարզերից։ Բացի այդ մրցույթին մասնակցում են նաև երևանյան դպրոցների աշակերտները։ Միջին և բարձր դասարանի աշակերտներ են», – Sputnik Արմենիային ասաց ռուսաց լեզվի և գրականության ուսուցիչների հայկական ասոցիացիայի նախագահ Լիլիյա Բալասանյանը։
Կիսով չափ հայ, կիսով չափ ուկրաինացի Ամալյա Հարությունյանը խոստովանեց, որ ուրախ է մասնակցելու նման առաջնությանը։
«Այս մրցույթն օգնում է Հայաստանում ռուսախոս և ռուս երեխաներին աշխատել իրենց վրա, կատարելագործվել։ Մենք տարբեր ստեղծագործություններ են ներկայացնում և, հավանաբար, հետաքրքրություն առաջացնում երեխաների մոտ այս կամ այն գիրքը կարդալու», – Sputnik Արմենիային ասաց Երևանի Մանուել Քաջունու անվան թիվ 54 ավագ դպրոցի 10 դասարանի աշակերտուհի Ամալյան Հարությունյանը։
Նա ներկայացրեց Էդվարդ Օլբիի «Ո՞վ է վախենում Վիրջինիա Վուլֆից» (Մարթայի մենախոսությունը) ստեղծագործությունից մի հատված։
«Որոշ իմ հասակակիցներ այդքան էլ չեն հասկանում, թե ինչի համար է ինձ պետք ռուսերենով ասմունքելը։ Իսկ նման մրցույթները հնարավորություն են ընձեռում հանդես գալու ռուսախոս լսարանի առաջ», – խոստովանեց մրցույթի մասնակիցը։
Մրցույթի հիմնադիրն ու կազմակերպիչը «Կենդանի դասական» հիմնադրամն է, որը գործում է ՌԴ կրթության և գիտության նախարարության, ՀՀ կրթության և գիտության նախարարության, Ռոսսոտրուդնիչեստվոյի, Ռոսպեչատի և «Ռուսկի միր» հիմնադրամի աջակցությամբ։
Մրցույթի ընթացքում 10-17 տարեկան աշակերտները ռուսերենով ցանկացած հեղինակի արձակ ստեղծագործությունից հատվածներ են ներկայացնում։
Մրցույթի ազգային փուլի հաղթող են համարվում առավելագույն միավոր հավաքած 3 մասնակից։ Նրանք պարգևատրվում են ազգային փուլի հաղթողի դիպլոմով և ներկայացնելու են իրենց երկիրը «Կենդանի դասական» պատանի ասմունքողների միջազգային մրցույթում, որն անցկացվելու է 2018 թվականի մայիսին Ղրիմի «Արտեկ» միջազգային մանկական կենտրոնում։
