09:30 13 դեկտեմբերի 2018
Ուղիղ եթեր
  • USD485.12
  • GBP608.05
  • EUR549.84
  • RUB7.31
Կոպենհագեն

Երևանը և Կոպենհագենը դյուրացնում են վիզայի ռեժիմը

© Sputnik / Сергей Субботин
Հայաստան
Ստանալ կարճ հղումը
70030

Վիզայի ռեժիմի դյուրացման կարգով Հայաստանի քաղաքացիներն իրավունք են ստանում գտնվել Դանիայում և Շենգենյան գոտու այլ երկրներում 180 օրվա յուրաքանչյուր ժամանակահատվածի ընթացքում 90 օրվանից ոչ ավել ժամանակահատվածով։

ԵՐԵՎԱՆ, 14 մարտի – Sputnik. Այսօր Կոպենհագենում տեղի ունեցավ Հայաստանի և Դանիայի արտգործնախարարներ Էդվարդ Նալբանդյանի և Անդերս Սամուելսենի հանդիպումը, որի շրջանակում երկու երկրների արտգործնախարարները ստորագրեցին «Հայաստանի Հանրապետության կառավարության և Դանիայի Թագավորության կառավարության միջև վիզաների տրամադրումը դյուրացնելու մասին» համաձայնագիրը: Այս մասին տեղեկացնում է ԱԳՆ-ի մամուլի ծառայությունը։

Հիշեցնենք, որ ՀՀ կառավարությունը Դանիայի հետ վիզաների տրամադրման ընթացակարգի դյուրացման մասին համաձայնագիրն հավանության էր արժանացրել դեռ նախորդ տարի։

Համաձայնագրով նախատեսված է զգալիորեն դյուրացնել վիզային ռեժիմը ՀՀ քաղաքացիների համար։

Վիզայի ռեժիմի դյուրացման կարգով Հայաստանի քաղաքացիներն իրավունք են ստանում գտնվել Դանիայում և Շենգենյան գոտու այլ երկրներում 180 օրվա յուրաքանչյուր ժամանակահատվածի ընթացքում 90 օրվանից ոչ ավել ժամանակահատվածով։

Վիզայի տրամադրման դյուրացված ընթացակարգը գործում է մերձավոր ազգականների համար` ամուսիններ, երեխաներ (ներառյալ որդեգրվածները), ծնողներ (ներառյալ խնամակալները), տատիկներ, պապիկներ, թոռներ, ովքեր այցելում են Դանիայի Թագավորության տարածքում օրինական բնակվող Հայաստանի Հանրապետության քաղաքացիներին կամ Դանիայի Թագավորության տարածքում բնակվող Դանիայի Թագավորության քաղաքացիներին, պաշտոնական պատվիրակության անդամների համար, դպրոցականների, ուսանողների, հետբուհական կրթություն ստացող անձանց և ուղեկցող ուսուցիչների համար, բուժման նպատակով ճամփորդող և ուղեկցող` անհրաժեշտ անձանց համար, լրագրողների և մասնագիտական պարտականությունների կատարման շրջանակներում նրանց ուղեկցող տեխնիկական անձնակազմի և այլ խմբերի համար։

Հայաստանի և Դանիայի ԱԳ նախարարները քննարկել են նաև երկկողմ քաղաքական երկխոսության ակտիվացման, առևրտատնտեսական կապերի աշխուժացման, միջազգային կառույցներում համագործակցության վերաբերյալ հարցեր: Երկուստեք նշվեց բարձրաստիճան փոխայցելությունների և շփումների կարևորությունը: Այս համատեքստում արտգործնախարարներն ընդգծեցին երկու երկրների արտաքին քաղաքական գերատեսչությունների միջև խորհրդակցությունների պարբերաբար անցկացման կարևորությունը:

Գլխավոր թեմաներ