05:07 16 հուլիսի 2018
Ուղիղ եթեր
  • USD481.17
  • GBP631.92
  • EUR559.84
  • RUB7.73
Արման Ջանջուղազյանի դատավարությունը, արխիվային լուսանկար

Գյումրիում ռուս զինծառայողին սպանած հային կդատեն փակ դռների հետևում

© Sputnik / Armenuhi Mkhoyan
Հայաստան
Ստանալ կարճ հղումը
18610

Դատավոր-ամբաստանյալ «բանավեճից» հետո նիստը որոշվեց անցկացնել դռնփակ։

ԵՐԵՎԱՆ, 3 ապրիլի — Sputnik, Արմենուհի Մխոյան. 3 դատական նիստ տարբեր պատճառներով հետաձգվելուց հետո ապրիլի 3-ի վերջապես բոլոր կողմերի ներկայությամբ մեկնարկեց 2017 թվականի ապրիլ 22-ին ռուսական 102-րդ ռազմաբազայի զինծառայող Դմիտրի Յալպաևի սպանության գործով դատական նիստը: Սակայն «իսլամիստի» գործով դատական նիստերն այսուհետև կլինեն դռնփակ:

Այս որոշումը կայացրեց դատը նախագահող դատավոր Վահե Միսակյանը՝ հաշվի առնելով ամբաստանյալի պաշտպանի միջնորդությունը: Նշենք, որ նիստը մեկնարկեց ամբաստանյալի շահերի պաշտպան Գուրգեն Հարությունյանի միջնորդությամբ՝ լրատվամիջոցների կողմից տեսա-լուսանկարահանումներն արգելելու վերաբերյալ՝ հաշվի առնելով գործի հնչեղությունն ու գործով ներգրավված անձանց և անձամբ ամբաստանյալի անվտանգությունը:

Պետական մեղադրող Արթուր Չախոյանն առարկեց, դատավորն էլ թույլատրեց նկարահանումներ իրականացնել որոշակի սահմանափակումներով՝ չնկարել ամբաստանյալին կամ վկաներին։

Ամբաստանյալ Արման Ջանջուղազյանն էլ հրաժարվեց ներկա գտնվել նիստին՝ փորձելով լքել նիստերի դահլիճը:

«Ես հրաժարվում են նիստին մասնակցել: Ես ոչ հարց ունեմ, ոչ ասելու բան և չեմ ուզում ենթարկվել»,- նշեց ամբաստանյալը:

Նիստը նախագահող դատավոր փորձեց կարգի հրավիրել։

«Այստեղ ուզելով չէ, և պարտավոր եք ենթարկվել դատարանին: Դատարանի հետ բանավիճելու իրավունք չունեք,- նշեց դատավորը՝ կարգադրելով նստել:

Մի քանի անգամ չենթարկվելով դատավորի նկատողություններին՝ առանց թույլտվության խոսելու, դատարանը լքելու փորձի, դատավորը սանկցիա կիրառեց՝ նկատողության ենթարկելով, որից հետո ընդմիջում հայտարարվեց:

Ընդմիջումից հետո ներկայացվեց դատական կարգը, որից հետո, ամբաստանյալի ինքնության ճշտման գործընթացի ժամանակ, ամբաստանյալի շահերի պաշտպան Գուրգեն Հարությունյանն այդ հատվածը դռնփակ անցկացնելու միջնորդություն ներկայացրեց:

Հավելենք, որ, վկաների հարցաքննման փուլի ընթացքում, կրկին ամբաստանյալի շահերի պաշտպանը միջնորդություն ներկայացրեց դատական նիստերը դռնփակ անցկացնելու վերաբերյալ կրկին՝ վտանգի մտավախությամբ: Միջնորդություն ընդունվեց: Ի դեպ, այսօր դատարանը լսելու էր վկաներ Անահիտ և Ռոբերտ Ջանջուղազյաններին:

Ըստ մեղադրանքի՝ Արման Ջանջուղազյանն «Իսլամական պետություն» ահաբեկչական խմբավորման համակիր ներկայացած, քննությամբ դեռևս չպարզված անձանց օժանդակությամբ ապրիլի 22-ին ժամը 17:30-ի սահմաններում կրոնական մոլեռանդության շարժառիթով ապօրինաբար կյանքից զրկելու դիտավորությամբ Գյումրիում դանակով մի քանի անգամ հարվածել է ՌԴ քաղաքացի, ռուսական 102-րդ ռազմաբազայի զինծառայող Դմիտրի Յալպաևին՝ սպանելով նրան:

Ըստ թեմայի

Գյումրիում ռուս զինծառայողի սպանության գործով դատական նիստը հետաձգվեց
Գյումրիում սպանված ռուս զինծառայողին կթաղեն Մարի Էլում
Քննչական կոմիտե. Գյումրիում ռուս զինծառայողին սպանած անձը հոգեկան շեղումներ ունի
Կադրեր Գյումրիում տեղի ունեցած ռուս զինծառայողի սպանության վայրից

Գլխավոր թեմաներ