15:41 21 ապրիլի 2018
Ուղիղ եթեր
ArmHiTec 2018

«Գերապակին» կօգնի հայոց բանակին, եթե օգնեց իսրայելցի վիրաբույժներին. տեսանյութ

© Sputnik / Asatur Yesayants
Հայաստան
Ստանալ կարճ հղումը
8210

Հայ–ֆրանսիական արտադրության սինթետիկ շափյուղան կիրառվում է այնտեղ, որտեղ ամրություն և թափանցիկություն է պետք։

ԵՐԵՎԱՆ, 6 ապրիլի — Sputnik. BCG հայ-ֆրանսիական ընկերությունը պատրաստ է գերամուր շափյուղայից տարրեր ստեղծել Հայաստանի պաշտպանական կարիքների համար։ Այս մասին Sputnik Արմենիայի թղթակցին ասաց ընկերության տնօրեն Նիկոլայ Բալասանյանը ArmHiTec պաշտպանական տեխնոլոգիաների ցուցահանդեսում, որը Երևանում անցկացվեց անցած շաբաթ։

Սինթետիկ շափյուղան ամբողջ աշխարհում օգտագործվում է այնտեղ, որտեղ թափանցիկություն և ամրություն է պետք։ Այն գրեթե անհնար է վնասել և դիմանում է մինչև 2 հազար աստիճան ջերմաստիճանի։ Ռուսաստանից ներկրվող շափյուղայի բյուրեղներից ընկերությունը դետալներ է պատրաստում և թողարկում բժշկության և հատուկ գործիքների համար։ Այդ դետալներն արտահանվում են Եվրոպա և Իսրայել։ Իսրայելում դրանք գնում են բժշկական սարքավորումներ արտադրողները, իսկ Նիդեռլանդներում` չափողական։

© Sputnik . Aram Gareginyan
Հայաստանյան շափյուղի քաղաքացիական ու ռազմական հնարավորությունները

«Այստեղ կարևոր է ոչ միայն շափյուղայի ամրությունը, այլ նաև դրա թափանցիկությունը, որն օգնում է ուժեղացնել լազերային ազդակը», — նշեց Բաղդասարյանը։

Ընկերությունը 2005թ-ին ստեղծել են հայ և ֆրանսիացի ներդրողները։ Նրանք փորձել են վերածնել շափյուղայի բյուրեղների արտադրության խորհրդային մեթոդը, որն առաջարկել էր Խաչատուր Բաղդասարովը։

«Եթե արտադրությունը մեծանա, ուզում ենք ինքներս բյուրեղներ աճեցնել», — նշեց Բալասանյանը։

Բաղդասարովը և նրա գործընկերները բյուրեղները հորիզոնական մեթոդով աճեցրել են ԽՍՀՄ Գիտությունների ակադեմիայի բյուրեղագիտության ինստիտուտում։ Մեթոդը թույլ է տալիս խոշոր բյուրեղներ ստանալ` խոտանի ցածր տոկոսով։

Հեռանկարում խորհրդային և հայկական մտքի այդ ձեռքբերումներն ուզում են ծառայեցնել հայոց բանակին։

Ըստ թեմայի

Երևանում ցուցադրել են` ինչ ատրճանակներ է ԱՄՆ–ն գնում Ռուսաստանից. տեսանյութ
Պստիկ է, բայց ճստիկ է. հայկական նոր ԱԹՍ-ն կկարողանա փոքրիկ ռումբ կրել
Ուղղակի կրակի՛ր․ ռուսական ընկերությունը Հայաստանում ցուցադրել է «խելացի» նշանառության սարք

Գլխավոր թեմաներ