10:35 17 հոկտեմբերի 2018
Ուղիղ եթեր
  • USD484.57
  • GBP639.68
  • EUR560.79
  • RUB7.40
Արմեն Սարգսյանի ընտանեկան լուսանկարները

Հրապարակվել են Արմեն Սարգսյանի ընտանեկան լուսանկարները

© Photo: official site of the President of RA
Հայաստան
Ստանալ կարճ հղումը
Հայաստանի Հանրապետության 4-րդ նախագահը (62)
93140

ՀՀ նախագահի պաշտոնական կայքում հրապարակվել են Արմեն Սարգսյանի ընտանեկան լուսանկարները` կնոջ, զավակների ու թոռների հետ։

ԵՐԵՎԱՆ, 9 ապրիլի — Sputnik. ՀՀ նախագահի պաշտոնական կայքի «նախագահ» բաժնում արդեն տեղադրված են երկրի 4-րդ նախագահ Արմեն Սարգսյանի նախագահի մասին տեղեկությունները։

Կենսագրությունից բացի, կայքի «պաշտոնական լուսանկարներ» հատվածում հրապարակվել են նախագահի երդմնակալության արարողության, իսկ «ընտանեկան լուսանկարներ» հատվածում` անձնական լուսանկարները։

Արմեն Սարգսյանին շրջապատում են կինը, զավակներն ու թոռնիկները։

1 / 4
Արմեն Սարգսյանի ընտանեկան լուսանկարները

Նշենք, որ այսօր` ապրիլի 9-ին, Երևանի Կարեն Դեմիրճյանի անվան մարզահամերգային համալիրում տեղի ունեցավ ՀՀ 4-րդ նախագահի երդմնակալության արարողությունը։

ՀՀ 4-րդ նախագահի կենսագրական տվյալները

Արմեն Սարգսյանը ծնվել է 1953թ. հունիսի 23-ին Երևանում։

Ավարտել է Երևանի պետական համալսարանի տեսական ֆիզիկայի և մաթեմատիկայի ֆակուլտետը: 1976-1984 թվականները ֆիզիկա է դասավանդել ԵՊՀ-ում, հիմնադրել է տեսական ֆիզիկայի կոմպլեքս համակարգերի համակարգչային մոդելավորման բաժինը:

ԽՍՀՄ տարիներին (1984-1985 թթ. և 1989-1991 թթ.) եղել է օտարերկրյա հետազոտող և դասախոս Քեմբրիջի համալսարանում, Լոնդոնի համալսարանի Մաթեմատիկայի ինստիտուտում:

1992-1995 թթ. Արմեն Սարգսյանը Հայաստանի դեսպանն էր Մեծ Բրիտանիայում: Միաժամանակ զբաղեցրել է Եվրոպայում Հայաստանի «ավագ դեսպանի», Եվրոպական միությունում, Բելգիայում, Նիդեռլանդներում, Լյուքսեմբուրգում և Վատիկանում դեսպանի պաշտոնները:

1996թ. նոյեմբերի 1-ին Արմեն Սարգսյանը դարձել է Հայաստանի հինգերորդ վարչապետը, սակայն պաշտոնավարել է ընդամենը չորս ամիս և 1997թ. փետրվարի 28-ին լքել պաշտոնը:

1998-2000 թթ. նա կրկին զբաղեցրել է Լոնդոնում Հայաստանի դեսպանի պաշտոնը:

2000-ից Eurasia House International կազմակերպության հիմնադիր նախագահն է:

Տարբեր տարիներին հանդիսացել է British Petrօleum, Alcatel, Telefonica եւ այլ ընկերությունների խորհրդատու:

2013թ. սեպտեմբերին Արմեն Սարգսյանը երրորդ անգամ դարձել է Միացյալ Թագավորությունում Հայաստանի դեսպանի պաշտոնը:

Անկուսակցական է։ Ամուսնացած է, ունի երկու որդի, երեք թոռ։

թեմա:
Հայաստանի Հանրապետության 4-րդ նախագահը (62)

Գլխավոր թեմաներ