05:43 23 հուլիսի 2018
Ուղիղ եթեր
  • USD480.62
  • GBP625.72
  • EUR560.16
  • RUB7.58
Կարեն Կարապետյան

Հայաստանի կառավարությունը հրաժարական տվեց

© Sputnik / Asatur Yesayants
Հայաստան
Ստանալ կարճ հղումը
106 0 0

ՀՀ կառավարության ղեկավարը նորընտիր նախագահ Արմեն Սարգսյանին է ներկայացրել կառավարության հրաժարականը։

ԵՐԵՎԱՆ, 9 ապրիլի — Sputnik. Հայաստանի նախագահ Արմեն Սարգսյանը հանդիպել է ՀՀ վարչապետ Կարեն Կարապետյանին և ընդունել ՀՀ կառավարության հրաժարականի դիմումը: Այս մասին նշված է ՀՀ նախագահի պաշտոնական կայքում:

Հիշեցնենք, որ ՀՀ նոր Սահմանադրության 212-րդ հոդվածի համաձայն` նորընտիր նախագահի պաշտոնը ստանձնելու օրը կառավարությունը ներկայացնում է իր հրաժարականը, որը հանրապետության նախագահն անհապաղ ընդունում է։ Կառավարության հրաժարականն ընդունվելուց հետո` 7-օրյա ժամկետում՝ ապրիլի 9-16-ը, ԱԺ խմբակցություններն իրավունք ունեն առաջադրելու վարչապետի թեկնածուներ: ԱԺ-ն նոր վարչապետին կընտրի ապրիլի 17-ին։

Նորընտիր վարչապետը կառավարությունը ձևավորելու համար առավելագույնը 15 օր ժամանակ ունի. հնգօրյա ժամկետում ՀՀ նախագահին պետք է առաջարկի 3 փոխվարչապետների և 17 նախարարների թեկնածուներին: Հանրապետության նախագահը եռօրյա ժամկետում կա՛մ պետք է նշանակումներ անի, կա՛մ անհամաձայնության դեպքում դիմի Սահմանադրական դատարան:

Ի դեպ, կառավարության կառուցվածքի և գործունեության մասին նոր օրենքով նախարարությունների թիվը կրճատվել է ներկա 18-ի փոխարեն դառնալով 17։ Կրճատվել է Միջազգային տնտեսական ինտեգրման և բարեփոխումների նախարարությունը, որն այսօր ղեկավարում է Վաչե Գաբրիելյանը։

ՀՀ կառավարության ներկա կազմը կշարունակի աշխատել պաշտոնակատարների կարգավիճակով, մինչ նոր կառավարության անդամների նշանակումը։

Ըստ թեմայի

Ով նշանակի, նրան էլ կերդվեն. նոր կառավարության նշանակման կարգի սև ու սպիտակ կողմերը
Հայաստանի նոր վարչապետը երկու նստավայր կունենա
Սարգսյան. «Հայաստանի հաջորդ վարչապետը պետք է փայլուն պատկերացում ունենա անվտանգությունից»
Հայաստանի նախագահի «թևերը կկտրեն». վարչապետը կրկնակի հարուստ կլինի

Գլխավոր թեմաներ