15:35 21 ապրիլի 2018
Ուղիղ եթեր
ՀՀ ԱԻՆ-ը շարունակում է հակահրդեհային ստուգայցերը. հայտնաբերվել են բազմաթիվ թերություններ

Երևանի ռեստորաններն ու առևտրի կենտրոններն անվտանգ չեն. ԱԻՆ–ը խախտումներ է հայտնաբերել

© Official site of the MES of RA
Հայաստան
Ստանալ կարճ հղումը
14 0 0

ԱԻՆ–ը խախտումներ է հայտնաբերել առևտրի կենտրոններում, կինոթատրոնում ու ռեստորաններում, մանկական ժամանցի կենտրոնում. հրապարակվել են անուններ, տրվել հանձնարարականներ։

ԵՐԵՎԱՆ, 9 ապրիլի — Sputnik. Արտակարգ իրավիճակների նախարարությունը անվտանգության համակարգերի ստուգումներ է իրականացրել «Տաշիր» առևտրի կենտրոնում, «Մոսկվա» կինոթատրոնում, «Նեպտուն» մանկական կենտրոնում, «Ջոս» ռեստորանային համալիրում, «Պանդոկ Երևան»-ում։ Արտակարգ իրավիճակների նախարարության մամուլի ծառայությունը հայտնում է, որ միայն Երևանում իրականացվել են 20-ից ավելի նպատակային հրդեհատեխնիկական հետազոտություն և ստուգում։

Ստուգայցերի ընթացքում հայտնաբերվել են մի շարք թերություններ, որոնցից ամենատարածվածները տարահանման ելքերի, հակահրդեհային ու ծխահեռացման ինքնաշխատ համակարգերի, կրակմարիչների բացակայությունն է, նաև`էլեկտրական տնտեսության, հրշեջ ծորակների հետ կապված խնդիրները։

ԱԻՆ-ը հայտնում է, որ նշված օբյեկտների ղեկավարներին հանձնարարվել է սահմանված ժամկետներում վերացնել բացահայտված թերությունները, կրկնակի այցերի ընթացքում թերությունները վերացրած չլինելու դեպքում տնտեսվարողները կենթարկվեն վարչական տույժի: ՀՀ մարզերում ևս ԱԻՆ աշխատակիցները ստուգայցերի ընթացքում թերություններ են հայտնաբերել ու շուրջ 30 կարգադրագիր հանձնել:

Ստուգայցերը շարունակվում են։

Հիշեցնենք, որ ՀՀ վարչապետ Կարեն Կարապետյանը կառավարության ապրիլի 5-ի նիստում արտակարգ իրավիճակների նախարար Դավիթ Տոնոյանին հանձնարարել էր ստուգումներ և հետազոտություններ իրականացնել հրդեհային և տեխնիկական անվտանգության նորմատիվ պահանջների պահպանման ուղղությամբ:

Հանձնարարականը հետևել էր ապրիլի 2-ի երեկոյան, Երևանի Հյուսիսային պողոտայում գտնվող «Բուրգեր Քինգ» արագ սննդի կետում տեղի ունեցած պայթյունին: Խոհանոցում պայթել էր թթվածնի բալոնը, տուժել էր 9 մարդ, որոնց մեջ կային նաև անչափահասներ: Տուժածներից 2-ը Իրանի քաղաքացիներ էին, 2-ը` ՌԴ-ի։

Ըստ թեմայի

«Բուրգեր Քինգը» միակը չէ. սննդի կետերում տեղադրված բալոնները փորձաքննության չեն ենթարկվում
«Բուրգեր Քինգն» ալկոհոլային խմիչք վաճառելու թույլտվություն չի ունեցել
«Բուրգեր Քինգի» բախտը չբերեց, Երևանում կարող էր ցանկացած ռեստորանում պայթյուն լինել
Ի՞նչ վիճակում են «Բուրգեր քինգի» պայթյունից տուժածները. Ալթունյանը զրուցել է նրանց հետ
«Բուրգեր Քինգը» պայթյունից տուժածներին նյութական օգնություն կտա

Գլխավոր թեմաներ