08:38 21 օգոստոսի 2018
Ուղիղ եթեր
  • USD483.10
  • GBP615.42
  • EUR551.12
  • RUB7.20
Սևանա լիճ

Ոռոգում` Սևանի հաշվին. երաշտից պաշտպանվելու կառավարության հույսը Սևանն է

© Sputnik / Arpi Beglaryan
Հայաստան
Ստանալ կարճ հղումը
5430

Ամառը դեռ չեկած, կառավարությունը` ոռոգման նպատակով, Սևանից ջուր է վերցնում։ Բնապահպանն անհանգստացած է լճի ճակատագրով։

ԵՐԵՎԱՆ, 11 ապրիլի — Sputnik, Նելլի Դանիելյան. 2018 թվականին ոռոգման նպատակով Սևանա լճից բաց կթողնվի 170 մլն մետր խորանարդ ջուր։ Այս որոշման նախագիծն արդեն ներառված է ՀՀ կառավարության վաղվա նիստի օրակարգում։

Նախագծի հեղինակ ՀՀ Ջրային տնտեսությունը նախագծի անհրաժեշտությունը հիմնավորում է ոռոգման ջրի դեֆիցիտը մասնակի մեղմելու նպատակով:

Ջրային տնտեսության հաշվարկով, այս պահին դեֆիցիտը կազմում է 283,5 մլն մետր խորանարդ։ Սակայն, կառավարությունում որոշել են առայժմ Սևանից բաց թողնել միայն օրենքով նախատեսված առավելագույն 170 մլն մետր խորանարդ ծավալը։ Ի դեպ, դրանից ավելի ջրառի համար կառավարությունը պետք է դիմի ԱԺ և ստանա խորհրդարանի թույլտվությունը։

Ջրային տնտեսության պետական կոմիտեի նախագահ Արսեն Հարությունյանը չէր բացառել, որ Սևանից բաց թողնվող ջրի քանակը տարվա ընթացքում կավելացվի, քանի որ ներկա պահին հայաստանյան ջրամբարները լցված են ընդամենը 52 տոկոսով, իսկ ոռոգման սեզոնը դեռ նոր է մեկնարկում։

Բնապահպան Կարինե Դանիելյանը Sputik Արմենիայի հետ զրույցում մտավախություն հայտնեց, որ ոռոգման ջրի պակասուրդն այս տարի ևս Սևանի հաշվին է լրացվելու։

«Անցյալ տարի ամռանը, երբ ջրառը հասցվեց 270 մլն մետր խորանարդի, Սևանի մակարդակը 4 սմ–ով նվազեց,– ասաց բնապահպանը,– եթե այսպես շարունակվի նշանակում է էկոլոգիական ոլորտում մեր գրանցած միակ հաջողությունը` Սևանի մակարդակի բարձրացումը, կկորցնենք »։

Սևանը հնարավոր ճահճացումից փրկելու ելքը Կարինե Դանիելյանը համարում է ոռոգման համակարգերում հոսակորուստների կանխումը։

«Կորուստները, մոտավորապես, հավասարվում են այն ծավալին, որ բաց է թողնվում Սևանից»,– ասաց նա։

Մեկ այլ տարբերակ է նաև նոր ոչ մեծ ծավալի ջրամբարների կառուցումը։

Հիշեցնենք, որ 2012 թվականին Սևանից բաց թողնվեց վերջին 10 տարվա ընթացքում առավելագույն` 317 մլն խմ ծավալը։ Արդյունքում լճի մակարդակը 7 սմ-ով նվազեց։

Ըստ թեմայի

Սա Հայաստանն է. Սևանա լիճ. ժամանակի սայլն ու Լճաշենի ոսկին
Նախարար. մինչև տարեվերջ Սևանա լիճ բաց կթողնվի իշխանի 600 հազար մանրաձուկ
Սևանա լիճ. Հայաստանի կապուտաչյա գեղեցկուհին

Գլխավոր թեմաներ