23:54 15 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Կովկասյան ընձառյուծ

Կարմիր գրքում գրանցված կենդանին հրդեհից հետո վերադարձել է Խոսրովի արգելոց

© Facebook/WWF-Armenia
Հայաստան
Ստանալ կարճ հղումը
31220

Խոսրովի արգելոցում տեղադրված տեսախցիկներն արձանագրել են`Խոսրովի արգելոցի եզակի բնակիչը վերադարձել է տուն։

ԵՐԵՎԱՆ, 11 ապրիլի — Sputnik. Կովկասյան ընձառյուծը վերադարձել է Խոսրովի արգելոց: Այս մասին իր ֆեյսբուքյան էջում հայտնում է ՀՀ բնապահպանության նախարարի մամուլի քարտուղար Մարինե Կարապետյանը։ «Առաջին անգամ տեսախցիկները ֆիքսել են Լեոյի տեղաշարժը Խոսրովում»,– հայտնում է նա։

Նախարարության պաշտոնական կայքում տեղադրված տեղեկատվության համաձայն` նկարահանված ընձառյուծը երիտասարդ արու է, որը նախկինում չի արձանագրվել որևէ ֆոտոթակարդի կողմից։

ՀՀ բնապահպանության նախարար Արծվիկ Մինասյանն, անդրադառնալով արձանագրված փաստին, ասել է. «Տեղադրված ֆոտոթակարդների արձանագրած նյութերը ցույց են տալիս, որ անցյալ տարվա հրդեհից հետո բնությունը վերականգնվում է, և բարեբախտաբար, հրդեհի հետևանքները կործանարար չեն եղել մեր կենդանական աշխարհի համար։ Եթե ընձառյուծը վերադարձել է արգելոց, դա նշանակում է, որ նա ունի բավարար քանակությամբ որս»։

«Խոսրովի անտառ» պետական արգելոցի տնօրեն Հրաչ Հովակիմյանի խոսքով` առկա նյութերն ապացուցում են, որ ընձառյուծն արդեն 4 ամսից ավելի բնակվում է արգելոցում։

2002 թ․-ից սկսած ՀՀ բնապահպանության նախարարությունը և Բնության համաշխարհային հիմնադրամի հայաստանյան մասնաճյուղն (WWF Armenia) իրականացնում են Կովկասյան ընձառյուծի պահպանության ծրագիրը Հայաստանում։ Ծրագրի հիմնական նպատակն է անհետացման եզրին գտնվող ընձառյուծի և նրա համար որս հանդիսացող տեսակների՝ բեզոարյան այծի, հայկական մուֆլոնի և այլ տեսակների պոպուլյացիաների ավելացումը, այդ կենդանատեսակների ապրելավայրերի պահպանությունը։ Կովկասյան ընձառյուծը գրանցված է ՀՀ Կարմիր գրքում և Բնության պահպանության միջազգային միության (IUCN) Կարմիր ցուցակում՝ որպես «կրիտիկական» վիճակում գտնվող տեսակ։

Հայաստանում ներկա պահին հաշվառված է 7-9 ընձառյուծ, որոնց ապրելավայրերն են Արարատի, Վայոց Ձորի և Սյունիքի մարզերը:

Ըստ թեմայի

Խոսրովի սիրտը կբաբախի առանց մարդու օգնության. ի՞նչ եղավ անտառի բույսերի ու կենդանիների հետ
Խոսրովի անտառի հերթական հրդեհը մարվեց
Կբուժվե՞ն արդյոք Խոսրովի անտառի վերքերը
Անտառի կենդանիները վերադառնում են Խոսրովի անտառ

Գլխավոր թեմաներ