ԵՐԵՎԱՆ, 11 ապրիլի — Sputnik. ՀՀ նախագահ Արմեն Սարգսյանին խորհուրդներ կտան Արա Ալեքսանյանն ու Համլետ Գասպարյանը։ ՀՀ նախագահի մամուլի ծառայությունը հայտնում է, որ նախագահը նրանց նշանակումների մասին հրամանագրեր է ստորագրել։
Արա Ալեքսանյանը ՀՀ նախագահի խորհրդական է նշանակվել հասարակական հիմունքներով:
Արմեն Սարգսյանը կարգադրություն է ստորագրել նաև Հասմիկ Պետրոսյանին Հայաստանի Հանրապետության նախագահի օգնական նշանակելու մասին:
Նշենք, որ Սարգսյանը համապատասխան հրամանագրերն ու կարգադրությունը ստորագրել է այսօր` ապրիլի 11-ին։
ՀՀ նոր նախագահ Արմեն Սարգսյանի երդմնակալության արարողությունը տեղի է ունեցել մարտի 2-ին։
