15:22 23 սեպտեմբերի 2018
Ուղիղ եթեր
  • USD482.44
  • GBP637.06
  • EUR564.60
  • RUB7.28
Նիկոլ Փաշինյան

Փաշինյանը պառկեց ավտոբուսի դիմաց. քաղաքացիական անհնազանդության ակցիան մեկնարկեց

© Sputnik / Ashot Safaryan
Հայաստան
Ստանալ կարճ հղումը
«Իմ քայլը» բողոքի ակցիա (294)
29220

Նիկոլ Փաշինյանն այսօր առաջինն է իրականացրել իր հայտարարած քաղաքացիական անհնազանդության ակցիան` պառկելով Բաղրամյան պողոտայով անցնող ավտոբուսի դիմաց։

ԵՐԵՎԱՆ, 16 ապրիլի — Sputnik. Այսօր առավոտյան, ժամը 08։00-ին «Իմ քայլը» նախաձեռնության հեղինակ Նիկոլ Փաշինյանը Բաղրամյան պողոտայում նստել է փողոցով անցնող ավտոբուսի դիմաց` փակելով Բաղրամյան-Մոսկովյան խաչմերուկը։

Իր այս քայլը ավտոբուսի բորբոքված ուղևորներին ու վարորդին Փաշինյանը բացատրում է քաղաքացիական անհնազանդության ակցիայով։

Փաշինյանի օրինակին հետևում են նաև ակցիայի մասնակից այլ ակտիվիստներ` դրանով կաթվածահար անելով Բաղրամյան պողոտայի երթևեկությունը։

Նիկոլ Փաշինյանն անհարմարության համար ներողություն է խնդրում համաքաղաքացիներից և հիշեցնում, որ իր նախաձեռնությունն ուղղված է Սերժ Սարգսյանի` վարչապետ ընտրվելու դեմ։

Երեկ երեկոյան Նիկոլ Փաշինյանը հանրահավաքում հայտարարել էր, որ այսօր 8։15-ից քաղաքացիական անհնազանդության ակցիաներ են մեկնարկելու։ Մասնավորապես` ակտիվիստները փակելու են տրանսպորտի ճանապարհը, երևանյանի խոշոր կամուրջների վրա ավտոմեքենաները կանգնեցնելով` փակելու են երթևեկության ուղին։ Փաշինյանը կոչ է արել մետրոյի կայարաններում պառկել գնացքի վագոնների դռների միջև` արգելափակելով նաև մետրոյի աշխատանքը։

թեմա:
«Իմ քայլը» բողոքի ակցիա (294)

Գլխավոր թեմաներ