09:21 18 հունիսի 2018
Ուղիղ եթեր
  • USD482.68
  • GBP641.14
  • EUR560.05
  • RUB7.69
Երևան

Երևանի կենտրոնական փողոցները փակեցին. ցուցարարները վճռական են տրամադրված. լուսանկարներ

© Sputnik / David Galstyan
Հայաստան
Ստանալ կարճ հղումը
«Իմ քայլը» բողոքի ակցիա (294)
18601

Քաղաքացիական անհնազանդության ակցիաների մասնակիցները փակել են Երևանի կենտրոնի մի քանի փողոցներ ու բարիկադներ կառուցել։

ԵՐԵՎԱՆ, 16 ապրիլի — Sputnik. Բաղրամյան պողոտայում, Սահմանադրական դատարանի մոտ ոստիկաններն արգելապատնեշներ են տեղադրել` փակելով փողոցը և ցուցարարներին թույլ չտալով բարձրանալ Բաղրամյանով դեպի վեր։

Մինչ այդ, սակայն, «Ելք» խմբակցության ղեկավար, «Իմ քայլը» նախաձեռնության հեղինակ Նիկոլ Փաշինյանը, Բաղրամյան պողոտայով վազելով, փորձում էր հասնել ավելի վերին հատվածներին` ակցիայի մասնակիցներին կոչ անելով հետևել իրեն։

  • Երևանի կենտրոնական փողոցները
    Երևանի կենտրոնական փողոցները
    © Sputnik / David Galstyan
  • Երևանի կենտրոնական փողոցները
    Երևանի կենտրոնական փողոցները
    © Sputnik / David Galstyan
1 / 2
© Sputnik / David Galstyan
Երևանի կենտրոնական փողոցները

Այսօր առավոտից Աբովյան փողոցում հավաքված ուսանողները, մետրոյի «Երիտասարդական» կայարանի հարակից հատվածում, նստելով փողոցի երթևեկելի հատվածում, փակել են տրանսպորտի ճանապարհը։

Ուղիղ կապով դիմելով Աբովյան փողոցում գտնվող ուսանողներին` Փաշինյանն ասաց. «Ապրեք երեխեք, դուք արեցիք այն, ինչ պետք է անեիք»։

Այս պահին ցուցարարները փակել են Բաղրամյան պողոտան, Մոսկովյան և Աբովյան փողոցները։

Ցուցարարները փակված փողոցներում նաև բարիկադներ են կառուցել` երթևեկելի հատվածները պատնեշելով փողոցում տեղադրված նստարաններով ու աղբամաններով։

Ակցիայի մասնակիցները փողոցում քաղաքացիներին կոչ են անում հրաժարվել դասի ու աշխատանքի գնալու մտքից և միանալ իրենց։

Հիշեցնենք` քաղաքացիական անհնազանդության ակցիաները նախաձեռնել են «Իմ քայլը» նախաձեռնության կազմակերպիչները, որոնց նպատակն է խափանել Սերժ Սարգսյանի` վաղը նախանշված ընտրությունը ՀՀ վարչապետի պաշտոնում։

Երեկ երեկոյան Նիկոլ Փաշինյանը հանրահավաքում հայտարարել էր, որ այսօր 8։15-ից քաղաքացիական անհնազանդության ակցիաներ են մեկնարկելու։ Մասնավորապես` ակտիվիստները փակելու են տրանսպորտի ճանապարհը, երևանյանի խոշոր կամուրջների վրա ավտոմեքենաները կանգնեցնելով` փակելու են երթևեկության ուղին։ Փաշինյանը կոչ է արել մետրոյի կայարաններում պառկել գնացքի վագոնների դռների միջև` արգելափակելով նաև մետրոյի աշխատանքը։

թեմա:
«Իմ քայլը» բողոքի ակցիա (294)

Գլխավոր թեմաներ