21:08 13 նոյեմբերի 2018
Ուղիղ եթեր
  • USD488.68
  • GBP629.86
  • EUR549.03
  • RUB7.21
Полиция РА (16 апреля 2018). Проспект Баграмяна, Ереван

Լարված իրավիճակ Բժշկական համալսարանի մոտ

© Sputnik / Ashot Safaryan
Հայաստան
Ստանալ կարճ հղումը
«Իմ քայլը» բողոքի ակցիա (294)
25720

Այս պահին լարված իրավիճակ է Երևանի Աբովյան–Կորյուն փողոցների խաչմերուկում։

ԵՐԵՎԱՆ, 16 ապրիլի — Sputnik. «Իմ քայլը» քաղաքացիական անհնազանդության ակցիայի մասնակից ուսանողներն այս պահին փակել են Աբովյան-Կորյուն փողոցների խաչմերուկը։

Ակցիայի մասնակիցների և արգելափակված ավտոմեքենաների վարորդների միջև լարված իրավիճակ է։ Վարորդներից մեկը, փորձելով շրջադարձ անել ու ճեղքել կենդանի ուսանողների պատնեշը, հարվածեց դիմացի ավտոմեքենային։

Երկու վարորդները, դուրս գալով ավտոմեքենաներից, հայտարարեցին, որ միանում են ակցիայի մասնակիցներին։

Նշենք, որ ցուցարարները փակել են Բաղրամյան պողոտան, Մոսկովյան, Իսահակյան, Կորյունի և Աբովյան փողոցները։

Ցուցարարները փակված փողոցներում նաև բարիկադներ են կառուցել` երթևեկելի հատվածները պատնեշելով փողոցում տեղադրված նստարաններով ու աղբամաններով։

Հիշեցնենք` քաղաքացիական անհնազանդության ակցիաները նախաձեռնել են «Իմ քայլը» նախաձեռնության կազմակերպիչները, որոնց նպատակն է խափանել Սերժ Սարգսյանի` վաղը նախանշված ընտրությունը ՀՀ վարչապետի պաշտոնում։

Երեկ երեկոյան Նիկոլ Փաշինյանը հանրահավաքում հայտարարել էր, որ այսօր 8։15-ից քաղաքացիական անհնազանդության ակցիաներ են մեկնարկելու։ Մասնավորապես` ակտիվիստները փակելու են տրանսպորտի ճանապարհը, երևանյանի խոշոր կամուրջների վրա ավտոմեքենաները կանգնեցնելով` փակելու են երթևեկության ուղին։ Փաշինյանը կոչ է արել մետրոյի կայարաններում պառկել գնացքի վագոնների դռների միջև` արգելափակելով նաև մետրոյի աշխատանքը։
թեմա:
«Իմ քայլը» բողոքի ակցիա (294)

Գլխավոր թեմաներ